சினிமா செய்திகள்

பாடல்களுக்கு காப்புரிமை விவகாரம்: இளையராஜாவுடன் மோதல் தீர்ந்ததா? - எஸ்.பி.பாலசுப்பிரமணியம் விளக்கம் + "||" + Songs Copyright Issue: Was the conflict with Ilayaraja settled? - Description of SP Balasubramaniam

பாடல்களுக்கு காப்புரிமை விவகாரம்: இளையராஜாவுடன் மோதல் தீர்ந்ததா? - எஸ்.பி.பாலசுப்பிரமணியம் விளக்கம்

பாடல்களுக்கு காப்புரிமை விவகாரம்: இளையராஜாவுடன் மோதல் தீர்ந்ததா? - எஸ்.பி.பாலசுப்பிரமணியம் விளக்கம்
பாடல்களுக்கு காப்புரிமை விவகாரத்தில், இளையராஜாவுடன் மோதல் தீர்ந்ததா என்பது குறித்து எஸ்.பி.பாலசுப்பிரமணியம் விளக்கம் அளித்துள்ளார்.

பாடகர்கள் எஸ்.பி.பாலசுப்பிரமணியம், கே.ஜே.ஜேசுதாஸ், சித்ரா ஆகிய 3 பேரும் ஐதராபாத்தில் நவம்பர் 3-ந்தேதி நடக்கும் இசை நிகழ்ச்சியில் ஒரே மேடையில் பாட உள்ளனர். இதையொட்டி எஸ்.பி.பாலசுப்பிரமணியம் ஐதராபாத்தில் நிருபர்களுக்கு பேட்டி அளித்தார். அப்போது இளையராஜா தனது பாடல்களை பாடக்கூடாது என்று நோட்டீஸ் அனுப்பி இருந்தாரே? அவருடன் மோதல் தீர்ந்து விட்டதா? என்று கேள்வி எழுப்பினார்கள். அதற்கு பதில் அளித்து எஸ்.பி.பாலசுப்பிரமணியம் கூறியதாவது:-


“இளையராஜாவுக்கும் எனக்கும் இடைவெளி என்பது ஒருபோதும் இல்லை. அவர் எப்போது அழைத்தாலும் போவதற்கு நான் தயாராகவே இருப்பேன். அவர் அழைத்தார். நான் போனேன். முன்பு மாதிரியே சேர்ந்து பணியாற்றினோம். ஒரு குடும்பத்தில் இருக்கிறவர்கள் இடையே சிறு மனஸ்தாபங்கள் வரும். பிறகு சரியாகி விடும். மீண்டும் இணைந்து விடுவார்கள்.

அதுமாதிரிதான் எங்களுக்கும் நடந்தது. இருவரும் சில நிகழ்ச்சிகளில் சேர்ந்து பங்கேற்றோம். அவர் இசையமைப்பில் சமீபத்தில் 2 பாடல்களை பாடினேன். ஒரு பெரிய மரத்தை புயல் வந்து சாய்த்து விட்டு போய் விடும். ஆனால் அருகம்புல் எப்போதும் சாயாமல் அப்படியே இருக்கும். என்னை ஒரு அருகம்புல் மாதிரிதான் நினைக்கிறேன்.

இளையராஜாவுக்கும் எனக்கும் இடையில் ஏற்பட்ட பிரச்சினை சிறியதுதான். இருவரும் அதை மறந்து விட்டோம். உன்னை கட்டிப்பிடிக்கணும் போல் இருக்குடா? என்று இளையராஜா சொன்னார். உடனே போனேன் இருவரும் கட்டிப்பிடித்துக் கொண்டோம். அதோடு எல்லா பிரச்சினையும் தீர்ந்து விட்டது.” இவ்வாறு எஸ்.பி.பாலசுப்பிரமணியம் கூறினார்.


தொடர்புடைய செய்திகள்

1. மோடியுடன் சரத்பவார் திடீர் சந்திப்பு - காங்கிரஸ் தலைவர்களுடனும் ஆலோசனை நடத்தினார்
மராட்டியத்தில் ஆட்சி அமைவதில் குழப்பம் நீடிக்கும் நிலையில் பிரதமர் மோடியை நேற்று தேசியவாத காங்கிரஸ் தலைவர் சரத்பவார் திடீரென சந்தித்து பேசியதால் பரபரப்பு ஏற்பட்டது. பின்னர் அவர் காங்கிரஸ் மூத்த தலைவர்களுடன் ஆலோசனை நடத்தினார்.
2. தொலைபேசி ஒட்டுக்கேட்பு விவகாரம்: “தனிமனித ரகசியம் காக்க முடியாத நிலை உள்ளது” - சுப்ரீம் கோர்ட்டு கருத்து
தொலைபேசி ஒட்டுக்கேட்பு விவகாரத்தில், தனிமனித ரகசியம் காக்க முடியாத நிலை உள்ளதாக சுப்ரீம் கோர்ட்டு கருத்து தெரிவித்துள்ளது.
3. பிகில் திரைப்படக் கதைக்கு காப்புரிமை கோரி வழக்கு தொடர உயர்நீதிமன்றம் அனுமதி
பிகில் திரைப்படக் கதைக்கு காப்புரிமை கோரி வழக்கு தொடர உயர்நீதிமன்றம் உதவி இயக்குநர் செல்வாவுக்கு அனுமதி அளித்துள்ளது.
4. பிரதமருக்கு கடிதம் எழுதிய விவகாரம்: பல்கலைக்கழக மாணவர்கள் 6 பேரின் நீக்கம் திடீர் ரத்து
பிரதமருக்கு கடிதம் எழுதிய விவகாரத்தில், பல்கலைக்கழக மாணவர்கள் 6 பேரின் நீக்கம் திடீரென ரத்து செய்யப்பட்டது.
5. டி.கே.சிவகுமார் கைது விவகாரம்: அடிபணிய மாட்டோம், தொடர்ந்து கேள்வி எழுப்புவோம் - காங்கிரஸ் சொல்கிறது
டி.கே.சிவகுமார் கைது விவகாரத்தில், அடிபணிய மாட்டோம், தொடர்ந்து கேள்வி எழுப்புவோம் என காங்கிரஸ் தெரிவித்துள்ளது.