நயன்தாரா படத்தில் ஹாலிவுட் நடிகர்

ரஜினிகாந்த் ஜோடியாக தர்பார், விஜய்யுடன் பிகில் ஆகிய படங்களில் இப்போது நடித்து வருகிறார். பிகில் தீபாவளிக்கு திரைக்கு வருகிறது. தமிழ், தெலுங்கில் தயாராகி உள்ள சைரா நரசிம்ம ரெட்டி என்ற சரித்திர படத்தில் சிரஞ்சீவி ஜோடியாக நடிக்கிறார். இதன் படவேலைகள் இறுதி கட்டத்தில் உள்ளன.

இந்த நிலையில் மணிரத்னம் உதவியாளரும் ‘அவள்’ என்ற பேய் படத்தை இயக்கி பிரபலமானவருமான மிலிந்த் ராவ் இயக்கும் புதிய படத்தில் நயன்தாரா நடிக்க உள்ளார். அவள் படத்தை போலவே இதுவும் திகில் கதையம்சத்தில் தயாராகிறது. இதில் நாய் ஒன்றும் முக்கிய கதாபாத்திரத்தில் வருகிறது.

இந்த படத்தை நயன்தாராவின் காதலரும் இயக்குனருமான விக்னேஷ் சிவன் தயாரிக்கிறார். படப்பிடிப்பை இந்த மாதம் இறுதியில் தொடங்க திட்டமிட்டுள்ளனர். நயன்தாராவுடன் நடிக்கும் நடிகர், நடிகைகள் தேர்வு நடக்கிறது. இந்த படத்தில் முக்கிய கதாபாத்திரத்தில் நடிக்க இந்தி நடிகர் லியூக் கென்னியை ஒப்பந்தம் செய்துள்ளதாக தகவல் வெளியாகி உள்ளது. இவர் ‘ஸ்கேர்டு கேம்ஸ்’ என்ற வெப் தொடரில் நடித்தவர். ஹாலிவுட் படம் மற்றும் ஆங்கில இசை ஆல்பங்களிலும் நடித்துள்ளார்.