சினிமா செய்திகள்

மீண்டும் பேரரசு இயக்கத்தில் விஜய்? + "||" + Back in the Perarasu Directing at Vijay

மீண்டும் பேரரசு இயக்கத்தில் விஜய்?

மீண்டும் பேரரசு இயக்கத்தில் விஜய்?
அட்லி இயக்கத்தில் விஜய்யின் 63-வது படமாக தயாராகி உள்ள ‘பிகில்’ தீபாவளிக்கு திரைக்கு வருகிறது.
‘பிகில்’  இந்த படத்தின் பாடல்களை வருகிற 19-ந்தேதி சென்னையில் விழா நடத்தி வெளியிட திட்டமிட்டு உள்ளனர். இதில் ‘வெறித்தனம்’ என்ற பாடலை விஜய்யும், சிங்கப்பெண்ணே என்ற பாடலை ஏ.ஆர்.ரகுமானும் சொந்த குரலில் பாடி உள்ளனர்.


இரண்டு பாடல்களும் ஏற்கனவே சமூக வலைத்தளத்தில் வெளியாகி பெரிய வரவேற்பை பெற்றுள்ளன. பிகில் படத்துக்கு பிறகு மாநகரம் படத்தை எடுத்து பிரபலமான லோகேஷ் கனகராஜ் இயக்கும் படத்தில் நடிக்க உள்ளார். இந்த படத்தில் விஜய் கல்லூரி மாணவராக நடிக்கிறார் என்றும், முழு நீள நகைச்சுவை படமாக தயாராகிறது என்றும் தகவல்கள் கசிந்துள்ளன.

இதனை படக்குழுவினர் உறுதிப்படுத்தவில்லை. கதாநாயகியாக நடிக்க பிரபல இந்தி நடிகை கியாரா அத்வானி பெயர் அடிபடுகிறது. இதர நடிகர், நடிகை தேர்வு நடக்கிறது.

இந்த படத்துக்கு பிறகு விஜய்யின் 65-வது படத்தை பேரரசு இயக்க பேச்சுவார்த்தை நடப்பதாக கூறப்படுகிறது.

ஏற்கனவே விஜய் நடித்த திருப்பாச்சி, சிவகாசி படங்களை பேரரசு இயக்கி உள்ளார். 2 படங்களுமே நல்ல லாபம் பார்த்தன. இதுபோல் திருமலை, ஆதி படங்களை இயக்கிய ரமணாவும் விஜய்யை வைத்து புதிய படம் இயக்கும் முயற்சியில் ஈடுபட்டு உள்ளதாக அறிவித்து உள்ளார்.

தொடர்புடைய செய்திகள்

1. தமிழில் இருந்து தெலுங்குக்கு போகிறார்-விஜய் பட டைரக்டரின் திடீர் மாற்றம்
லோகேஷ் கனகராஜ் அடுத்து ரஜினிகாந்த் நடிக்கும் புதிய படத்தை இயக்குவதாக இருந்தார்.
2. நடிகர் விஜய் குடும்பத்து மாப்பிள்ளை ஆகிறார், அதர்வா தம்பி பெண் டைரக்டருடன் காதல் திருமணம்
நடிகர் அதர்வாவின் தம்பி ஆகாஷ், விஜய் குடும்பத்து மாப்பிள்ளை ஆகிறார். மணமகள், ஒரு படத்தை டைரக்டு செய்தவர். இது, காதல் திருமணம்.
3. மணிரத்னம் படத்தில் விஜய் நடிக்க மறுத்தது ஏன்?
மணிரத்னம் படத்தில் விஜய் நடிக்க மறுத்தது ஏன் என்ற தகவல் வெளியாகியுள்ளது.
4. “எனது இயக்கத்தில் சரித்திர கதையில் விஜய்” - சசிகுமார்
தனது இயக்கத்தில் சரித்திர கதையில் விஜய் நடிக்க உள்ளதாக நடிகர் சசிகுமார் தெரிவித்துள்ளார்.
5. கொரோனா அச்சுறுத்தல்: விஜய், சூர்யா, கார்த்தி படங்கள் ரிலீஸ் தள்ளி வைப்பு?
உலகம் முழுவதும் பரவி வரும் கொரோனா வைரஸ் இந்தியாவிலும் பாதிப்பை ஏற்படுத்தி உள்ளது. பல மாநிலங்களில் பள்ளி, கல்லூரிகள், திரையரங்குகள் மூடப்பட்டு உள்ளன.

ஆசிரியரின் தேர்வுகள்...