சினிமா செய்திகள்

ரசிகர்கள், பேனர் வைக்க தனுஷ் தடை + "||" + Dhanush bans fans from putting banner

ரசிகர்கள், பேனர் வைக்க தனுஷ் தடை

ரசிகர்கள், பேனர் வைக்க தனுஷ் தடை
சென்னையில் பேனர் விழுந்து இளம் என்ஜினீயர் சுபஸ்ரீ பலியான சம்பவத்துக்கு பிறகு பேனர் கலாசாரத்தை ஒழிக்க குரல்கள் ஒலிக்கின்றன. அரசியல் கட்சிகள் பேனர்களை தவிர்க்கும்படி தொண்டர்களை வற்புறுத்தி உள்ளன.
முன்னணி நடிகர்கள் படங்கள் ரிலீசாகும்போது ரசிகர்கள் பேனர் கட்-அவுட்கள் வைத்து அமர்க்களப்படுத்துவது உண்டு. பாடல் வெளியீட்டு விழாக்களிலும் கட்-அவுட்கள் அமைக்கின்றனர். திருமணம், மற்றும் பிறந்த நாள் விழாக்களின்போதும் நடிகர்கள் படங்களுடன் சாலைகளில் பிரமாண்ட பேனர்களை வைக்கின்றனர். இதுபோல் பேனர்கள் வைக்க வேண்டாம் என்று நடிகர்கள் விஜய், சூர்யா ஆகியோர் ரசிகர்களுக்கு தடை விதித்தனர்.

விஜய் வேண்டுகோளை ஏற்று சென்னையில் சமீபத்தில் நடந்த பிகில் பட பாடல் வெளியீட்டு விழாவில் ரசிகர்கள் பேனர் வைக்கவில்லை. அஜித்குமார் ரசிகர்களும் பேனர்கள் வைக்க மாட்டோம் என்று உறுதிமொழி எடுத்து போஸ்டர்கள் ஒட்டினர். இந்த நிலையில் தனுசும் தனக்கு பேனர் வைக்க வேண்டாம் என்று ரசிகர்களுக்கு அறிவுறுத்தி உள்ளார்.

தனுஷ் வேண்டுகோளை ஏற்று அவரது ரசிகர் மன்றம் சார்பில் வெளியிட்டுள்ள அறிக்கையில் கூறியிருப்பதாவது:-

“தனுஷ் நடிப்பில் அக்டோபர் 4-ந்தேதி வெளியாக இருக்கும் அசுரன் படத்துக்கு கட் அவுட், பேனர் வைப்பதை தவிர்த்து அதற்கு பதிலாக உங்களால் முடிந்த அளவு நலத்திட்ட உதவிகளை வழங்கி கொண்டாடுமாறு கேட்டுக்கொள்கிறோம்” என்று குறிப்பிடப்பட்டு உள்ளது.

தொடர்புடைய செய்திகள்

1. தனுஷ்-அஜித் குறித்து விஜய் பட இயக்குனர் அட்லி பேட்டி
தனுஷ்-அஜித் குறித்து விஜய் பட இயக்குனர் அட்லி கூறி உள்ளார்.
2. ‘வட சென்னை’ ஏற்படுத்திய ஏமாற்றம்!
சமீபகால டைரக்டர்களில் ரசிகர்களை அதிகம் கவர்ந்தவர், வெற்றிமாறன். இவருக்கென்று தனி ரசிகர்கள் இருக்கிறார்கள். அவர் பல வெற்றி படங்கள் கொடுத்திருந்தாலும், தனுசை வைத்து இயக்கிய ‘வட சென்னை’ படம் நிறைய பாராட்டுகளை வாங்கி குவித்தது. வசூல் ரீதியாகவும் வெற்றி பெற்றது.
3. தனுஷ் படத்தில் ஹாலிவுட் நடிகர்!
தனுஷ் படத்துக்கு படம் வித்தியாசமான கதைகளிலும், கதாபாத்திரங்களிலும் நடித்து வருகிறார். மாறுபட்ட வேடங்களில் நடிப்பதை அவர் சவாலாக எடுத்துக் கொள்கிறார்.
4. தனுஷ் படம் மீண்டும் தள்ளிவைப்பு?
கவுதம் மேனன் இயக்கத்தில் தனுஷ் நடித்துள்ள படம் ‘எனை நோக்கி பாயும் தோட்டா.’ இதில் கதாநாயகியாக மேகா ஆகாஷ் நடித்துள்ளார். சசிகுமார் முக்கிய கதாபாத்திரத்தில் வருகிறார்.
5. தனுசுடன் நடிக்கும் ஹாலிவுட் நடிகர்!
தனுஷ் சிறந்த கதையம்சம் உள்ள படங்களை தேர்வு செய்து நடிக்கிறார். தனது கதாபாத்திரம் நடிப்பதற்கு சந்தர்ப்பம் உள்ளதாக இருக்கிறதா? என்றும் பார்த்துக் கொள்கிறார்.