நடிகர் விஜயுடன் இணைகிறார் விஜய் சேதுபதி -அதிகாரபூர்வ அறிவிப்பு

சென்னை,

அட்லீ இயக்கத்தில் நடிகர் விஜய் நடிப்பில் உருவாகி வரும்  ‘பிகில்’ திரைப்படம் தீபாவளிக்கு வெளிவர உள்ளதாக கூறப்படுகின்றது.

'பிகில்' படத்திற்குப் பின் 'மாநகரம், கைதி' படங்களின் இயக்குனர் லோகேஷ் கனகராஜ் இயக்கத்தில் விஜய் நடிக்க உள்ளார். தற்போது தளபதி 64 என்றழைக்கப்படும் இப்படத்திற்கு அனிரூத் இசையமைக்கிறார். அக்டோபர் முதல் வாரம் படப்பிடிப்பு ஆரம்பமாக உள்ளது. எனவே அதற்கான நடிகர்கள் தேர்வும் தீவிரமாக நடைபெற்று வருகிறது. நடிகர் விஜய் உடன் விஜய் சேதுபதி நடிக்க இருப்பதாக ஏற்கனவே செய்திகள் வெளியானது.

இந்நிலையில் தற்போது படக்குழுவினர், நடிகர் விஜய் சேதுபதி தளபதி 64 படத்தில் இணைந்திருப்பதாக அதிகாரப்பூர்வமாக அறிவித்துள்ளனர். இதற்கு முன்பாக நடிகர் விஜய் சேதுபதி பேட்ட திரைப்படத்தில் நடிகர் ரஜினிகாந்திற்கு வில்லனாக நடித்திருப்பது குறிப்பிடத்தக்கது.