<
பிகில் படக்குழு வெளியிட்ட விஜய், நயன்தாராவின் புதிய ‘போஸ்டர்’
பிகில் படத்தின் புதிய போஸ்டரை படக்குழுவினர் சமூக வலைத்தளத்தில் வெளியிட்டுள்ளனர்.
தீபாவளிக்கு திரைக்கு வரும் விஜய்யின் பிகில் படத்துக்கு ரசிகர்கள் மத்தியில் எதிர்பார்ப்பு ஏற்பட்டு உள்ளது. இதில் விஜய் தந்தை, மகனாக 2 வேடங்களில் வருகிறார். நாயகியாக நயன்தாரா நடித்துள்ளார். அட்லி இயக்கி உள்ளார். ஏ.ஆர்.ரகுமான் இசையமைத்துள்ளார். பெண்கள் கால்பந்து விளையாட்டை மையாக வைத்து படத்தை எடுத்துள்ளனர்.
படத்தின் பாடல்கள் வெளியாகி வரவேற்பை பெற்றுள்ளன. டீசர் கடந்த 4-ந்தேதி வெளியாக இருந்தது. ஆனால் அன்றைய தினம் வெளியாகதால் ரசிகர்கள் ஏமாற்றம் அடைந்தனர். டுவிட்டர் ஹேஷ்டேக்கில் இதுகுறித்து கேள்வி எழுப்பினார்கள். ஒலி வடிவமைப்பை மெருகேற்ற வேண்டி இருந்ததால் இந்த தாமதம் ஏற்பட்டதாக தயாரிப்பாளர் தரப்பில் விளக்கம் அளிக்கப்பட்டது.
அத்துடன் பிகில் டிரெய்லர் வருகிற 12-ந்தேதி வெளியாகும் என்றும் படக்குழுவினர் அறிவித்தனர். தீபாவளிக்கு 2 வாரங்களே உள்ளதால் படத்தின் தொழில் நுட்ப பணிகள் ஸ்டுடியோக்களில் இரவு பகலாக முழு வீச்சில் நடக்கின்றன. இந்த பணிகள் முடிந்ததும் தணிக்கை குழுவுக்கு அனுப்ப உள்ளனர்.
இந்த நிலையில் பிகில் படத்தின் புதிய போஸ்டரை படக்குழுவினர் சமூக வலைத்தளத்தில் வெளியிட்டனர். அதில் விஜய்யும் அவரை திருமண கோலத்தில் இருக்கும் நயன்தாரா ஓரக்கண்ணால் பார்ப்பது போன்றும் காட்சி உள்ளது. இந்த போஸ்டரில் விஜய் மிகவும் இளமையாக இருப்பதாக ரசிகர்கள் வலைத்தளத்தில் மகிழ்ச்சியை வெளியிட்டு வருகிறார்கள்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
