சினிமா செய்திகள்

"நடித்துவிட்டு மட்டும் போங்கள்... வாயைத் திறந்து பேசாதீங்க" நடிகர் விஜய் குறித்து இயக்குநர் சாமி சர்ச்சை பேச்சு + "||" + Vijay washes hands with Dettol after meeting fans controversial director shocks!

"நடித்துவிட்டு மட்டும் போங்கள்... வாயைத் திறந்து பேசாதீங்க" நடிகர் விஜய் குறித்து இயக்குநர் சாமி சர்ச்சை பேச்சு

"நடித்துவிட்டு மட்டும் போங்கள்... வாயைத் திறந்து பேசாதீங்க" நடிகர் விஜய் குறித்து இயக்குநர் சாமி சர்ச்சை பேச்சு
நடித்துவிட்டு மட்டும் போங்கள்... வாயைத் திறந்து பேசாதீங்க என்று இயக்குநர் சாமி பேசிய பேச்சு இணையத்தில் வைரலாகி உள்ளது.
சென்னை

நடிப்பதோடு நிறுத்திக்கோங்க! விஜய்க்கு எச்சரிக்கை விடுத்த பிரபல இயக்குநர்! விஜய்யை விமர்சித்து மிருகம் பட இயக்குநர் வீடியோ ஒன்றை வெளியிட்டுள்ளார்.

பிகில் படத்தின் இசைவெளிட்டு விழாவில் விஜய் பேசியிருந்தது பெரும் சர்ச்சையைக் கிளப்பியது. யாரை எங்கு வைக்க வேண்டுமோ அங்கு வைத்தால் எல்லாம் சரியாக அமையும் என்று விஜய் பேசியதற்கு எதிராக அரசியல் தலைவர்கள் கண்டனம் தெரிவித்தனர்.

இந்த நிலையில்  இயக்குனர் சாமி, விஜய்யை விமர்சித்து வீடியோ ஒன்றை வெளியிட்டுள்ளார்.  'மிருகம்', 'உயிர்’, 'சிந்து சமவெளி' உள்ளிட்ட சர்ச்சைப் படங்களை இயக்கியவர் இயக்குநர் சாமி. இறுதியாக 2015-ம் ஆண்டு 'கங்காரு' என்ற படத்தை இயக்கினார். அந்தப் படம் போதிய வரவேற்பைப் பெறவில்லை. தற்போது தனது அடுத்தப் படத்துக்கான பணிகளைக் கவனித்து வருகிறார் இயக்குநர் சாமி.

இதனிடையே இவர் விஜய் குறித்து பேசிய வீடியோ பதிவொன்று இணையத்தில் வைரலாகி வருகிறது. அதில் அவர் விஜய்யை கடுமையாக விமர்சித்துள்ளார். அதில், "வணக்கம் விஜய் சார். முன்னாள் இளைய தளபதி விஜய் சார் எப்படி இருக்கீங்க. என்னை உங்களுக்கு ஞாபகம் இருக்கிறதா என்று தெரியாது. ஏனென்றால் 4 முறை மட்டுமே சந்தித்துள்ளோம். 3 முறை உங்கள் வீட்டில். உங்கள் அப்பா எஸ்.ஏ.சந்திரசேகர் சாருடைய 'தோஸ்த்' படத்துக்கு நான் வசனம் எழுதினேன். அந்தச் சமயத்தில் ஸ்டேட் பாங்க் காலனி வீட்டில் உங்களை 3 முறைச் சந்தித்துள்ளேன்.

அதற்குப் பிறகு ஒரே ஒருமுறை 2 மணி நேரம் 'அன்றில் பறவைகள்' என்ற கதையைச் சொல்லியிருக்கிறேன். இதெல்லாம் 2000-ம் ஆண்டு நடந்தது. நான்தான் 'மிருகம்’, 'உயிர்', 'சிந்து சமவெளி', 'கங்காரு' போன்ற சர்ச்சைக்குரிய படங்களை இயக்கிய இயக்குநர் சாமி. உங்களிடம் 'அன்றில் பறவைகள்' என்ற குடும்பக் கதையைச் சொல்ல வந்தேன். அதை நீங்கள் 'ப்ரியமானவளே' படத்தின் ஷூட்டிங்கில்தான் கேட்டீர்கள். சினிமாவில் என்ன வேண்டுமானாலும் நடக்கும். பிரச்சினையில்லை.

ரஜினி சார் மாதிரி நடித்துவிட்டு மட்டும் போங்கள். வாயைத் திறந்து பேசாதீங்க ப்ளீஸ். ஏனென்றால் நீங்கள் பேசுவதால் உங்களுக்கு நீங்களே ஆப்பு வைத்துக் கொள்கிறீர்கள். 'பிகில்' இசை வெளியீட்டு விழாவில் பேசும்போது, யாரை எங்கு வைக்கணுமோ அங்கு வைக்கணும் என பேசினீர்கள். அப்படியென்றால் கடவுள் உங்களை எங்கு வைத்துள்ளாரோ, அங்குதான் வைத்துள்ளார். நீங்கள் தேவையில்லாமல் வாயைத் திறந்து பேசிக் கொண்டிருக்கிறீர்கள். அதனால் மாட்டிக் கொள்கிறீர்கள். தயவுசெய்து புரிந்து கொள்ளுங்கள்.

சினிமாவில் அல்ல நிஜ வாழ்க்கையில் நீங்கள் எவ்வளவு பெரிய நடிகர் என்பது தெரியும். ரசிகர்களுடன் வாரந்தோறும் போட்டோ எடுத்துக்கொண்டு, என் நெஞ்சில் குடியிருக்கும் தெய்வங்கள் எனப் பேசிக் கொண்டிருக்கிறீர்கள். அவர்களுடன் கை கொடுத்துவிட்டு, போட்டோ எடுத்துவிட்டு உள்ளே போய் டெட்டால் போட்டு கை கழுவியதை நானே பார்த்தேன். இது தான் உங்களுடைய உண்மையான நடிப்பு என அதில் கூறி உள்ளார்.

தொடர்புடைய செய்திகள்

1. ஐதராபாத்தில் 4 பேர் என்கவுண்ட்டர்: சினிமா பிரபலங்கள் என்ன சொல்கிறார்கள்?
ஐதராபாத்தில் 4 பேர் என்கவுண்ட்டர் குறித்து சினிமா பிரபலங்கள் என்ன சொல்கிறார்கள் என்று பார்ப்போம்.
2. சகோதரியின் புத்தக வெளியீட்டு விழாவில் மேடையில் கண்ணீர் விட்ட பிரபல நடிகை
சகோதரி ஷாகீன் பட்டின் புத்தகம் குறித்து பேசும்போது பிரபல நடிகை ஆலியா பட் கண்ணீர் விட்டார்.
3. சிக்கென்ற உடல் ... கிக்கான போஸ்... 47 வயதில் வாய்ப்பு தேடும் நடிகை
சிக்கென்ற உடல் ... கிக்கான போஸ்... என 47 வயதில் நடிகை மந்த்ரா பேடி வாய்ப்பு தேடி வருகிறார்.
4. ’சுசி லீக்ஸ்’ போல் ’சுசி குக்’ யூடியூப் சேனல் ஆரம்பிக்கும் சுசித்ரா
பாடகி சுசித்ரா சுசி குக் யூடியூப் சேனல் ஆரம்பிக்கிறார்.
5. மிதாலி ராஜ் வாழ்க்கை வரலாற்று சினிமா படத்தில் நடிக்கும் டாப்சி பன்னு
கிரிக்கெட் வீராங்கனை மிதாலி ராஜ் வாழ்க்கை வரலாற்று சினிமா படத்தில் நடிகை டாப்சி பன்னு நடிக்கிறார்.