தீபாவளிக்கு 2 நாள் முன்பே வருகிறது விஜய்யின் பிகில், கார்த்தியின் கைதி 25-ந் தேதி ரிலீஸ்

இரண்டு நாட்கள் முன்பே வெளியானால் அதிக வசூல் பார்க்க முடியும் என்றும் தெரிவித்தனர். அதனை ஏற்று பிகில், கைதி படங்கள் தீபாவளிக்கு முன்பாக வருகிற 25-ந் தேதி ரிலீசாகும் என்று அறிவிக்கப்பட்டு உள்ளது. இது விஜய், கார்த்தி ரசிகர்களுக்கு உற்சாகத்தை ஏற்படுத்தி உள்ளது.

தியேட்டர்களில் கட் அவுட் வைக்காமல் கொடி தோரணங்கள் கட்டி அமர்க்களப்படுத்த தயாராகி வருகிறார்கள். இந்த நிலையில் கோர்ட்டில் நடைபெறும் பிகில் கதை சர்ச்சை வழக்கின் தீர்ப்பு திங்கட்கிழமை வெளியாகலாம் என்று எதிர்பார்க்கப்படுகிறது. பிகில் படம் பெண்கள் கால்பந்து விளையாட்டை மையமாக வைத்து தயாராகி உள்ளது. இதில் விஜய் தந்தை, மகன் என்று 2 வேடங்களில் நடித்துள்ளார்.

மகன் விஜய் கால்பந்து பயிற்சியாளராக வருகிறார். நயன்தாரா, விவேக், கதிர், யோகிபாபு ஆகியோரும் உள்ளனர். படத்தின் பாடல்கள் மற்றும் டிரெய்லர் வெளியாகி வரவேற்பை பெற்றுள்ளது. யூடியூப்பிலும் அதிகம் பேர் பார்த்து சாதனை நிகழ்த்தி உள்ளது. கைதி படத்தில் கார்த்தி ஆயுள் தண்டனை கைதியாக நடித்துள்ளார். அதிரடி சண்டை படமாக தயாராகி உள்ளது.