<
விஜய்யின் பிகில் முதல் வாரத்தில் வசூல் ரூ.200 கோடியாக தாண்டும்?
நடிகர் விஜய்யின் பிகில் முதல் வாரத்தில் வசூல் ரூ.200 கோடியாக தாண்டும் என்று மதிப்பிடப்பட்டுள்ளது.
சென்னை
அட்லி இயக்கத்தில் விஜய் நடித்துள்ள 'பிகில்' திரைப்படம் உலகளவில் மொத்த வசூலில் ரூ.100 கோடியைக் கடந்துள்ளது.
மூன்றாவது முறையாக விஜய்-அட்லி கூட்டணியில் வெளியாகியுள்ள படம் 'பிகில்'. 180 கோடி ரூபாய் பொருட்செலவில் இந்தப் படத்தை பிரம்மாண்டமாக ஏஜிஎஸ் நிறுவனம் தயாரித்தது. ஆந்திரா, கர்நாடகா, கேரளா உள்ளிட்ட மாநிலங்களிலும் பெரும் எதிர்பார்ப்புக்கு இடையே இந்தப் படம் வெளியானது.
ஆனால், விமர்சன ரீதியாகக் கலவையாக இருந்தாலும், வசூல் ரீதியாகப் படத்துக்கு நல்ல வரவேற்பு கிடைத்து வருகிறது. தீபாவளி விடுமுறை நாட்கள் என்பதால் முக்கிய திரையரங்குகள் அனைத்திலுமே ஹவுஸ்புல் காட்சிகளாகவே திரையிடப்பட்டு வருகின்றன.
முதல் 3 நாட்களில் உலகளவில் மொத்த வசூலில் சுமார் ரூ.100 கோடியைக் கடந்து சாதனை புரிந்துள்ளது 'பிகில்'.
சுமார் 700 க்கும் மேற்பட்ட திரைகளில் வெளியான இப்படம் முதல் நாளில் ரூ.26.1 கோடியை வசூலித்துள்ளது, இது சர்காருக்கு அடுத்தபடியாக இரண்டாவது பெரிய முதல் நாள் வசூலாகும். சர்கார் ரூ.31.5 கோடியை வசூலித்து இருந்தது.
கேரளா, ஆந்திரா, கர்நாடகா ஆகிய மாநிலங்களிலும் நல்ல வசூல் செய்துள்ளது. உலக அளவில் இதுவரை சுமார் 150 கோடி ரூபாய் வசூலை தாண்டியுள்ளளது. இதன் ‘தெறி’ படத்தின் மொத்த வசூலை, ‘பிகில்’ படத்தின் 4 நாட்கள் மொத்த வசூல் தாண்டி உள்ளது.
உலகளாவிய பாக்ஸ் ஆபிஸில், விஜய் மற்றும் நயன்தாரா நடித்துள்ள பிகில் ரூ.160 கோடிக்கு மேல் வசூலித்துள்ளது, முதல் வாரத்தில் ரூ.200 கோடியாக தாண்டும் என்று மதிப்பிடப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
