இந்தியன்-2 படத்தில் 85 வயது மூதாட்டி வேடமா? காஜல் அகர்வால் விளக்கம்
இந்தியன் படத்தில் 70 வயது முதியவராக வந்த கமல்ஹாசன் இந்தியன்-2 படத்தில் 90 வயது முதியவராக நடிக்கிறார்.
கமல் ஜோடியாக சுகன்யா நடித்த கதாபாத்திரத்தில் காஜல் அகர்வால் நடிக்க இருப்பதாக பேசுகின்றனர். வயதான கமலுக்கு ஜோடியாக நடிக்கும் நிலையில் காஜல் அகர்வால் 85 வயது மூதாட்டியாக நடிக்க உள்ளதாக பேசப்படுகிறது.
இது உண்மையா? என்று காஜல் அகர்வாலிடம் கேட்டபோது அவர் கூறியதாவது:-
“இந்தியன்-2 படத்தில் எனது வேடம் குறித்து விதவிதமான செய்திகள் வருகின்றன. தற்காப்பு கலைகள் தெரிந்த ஒரு பெண்ணாக அந்த படத்தில் நடிக்கிறேன். ஆனால் எனது கதாபாத்திரத்தின் வயது பற்றி மட்டும் கேட்காதீர்கள். அதை சொல்ல மாட்டேன். படத்துக்காக தற்காப்பு கலைகள் கற்று வருகிறேன். இந்த மாதம் தைவானில் படப்பிடிப்பு நடக்க உள்ளது. அதில் நானும் கலந்து கொண்டு நடிக்க இருக்கிறேன். சினிமா மீதான விருப்பம், வித்தியாசமான கதைகள் மீதுள்ள ஆர்வத்தால் தயாரிப்பாளராக வேண்டும் என்று நினைத்தேன். ஆனால் நினைத்த மாதிரி கதைகள் அமையாததால் அந்த எண்ணத்தை ஒதுக்கி வைத்து இருக்கிறேன்.
இப்போது கதாநாயகியாக ஓய்வில்லாமல் இருக்கிறேன். தயாரிப்பாளராகி இன்னும் ஒரு நெருக்கடியை ஏற்படுத்திக்கொள்ள விரும்பவில்லை. பாரிஸ் பாரிஸ் படம் நன்றாக வந்துள்ளது. ஆனால் தணிக்கை குழு பிரச்சினையால் படத்துக்கு தடைகள் வருகின்றன. அது நீங்கி படம் திரைக்கு வரவேண்டும் என்று விரும்புகிறேன்.”
இவ்வாறு அவர் கூறினார்.
Related Tags :
Next Story