சினிமா செய்திகள்

புதிய படத்தில் நடிக்கும் விஜய் தோற்றம் கசிந்தது + "||" + Vijay's appearance in the new movie has leaked

புதிய படத்தில் நடிக்கும் விஜய் தோற்றம் கசிந்தது

புதிய படத்தில் நடிக்கும் விஜய் தோற்றம் கசிந்தது
தீபாவளிக்கு திரைக்கு வந்து ரூ.200 கோடி வசூல் குவித்த பிகில் படத்துக்கு பிறகு லோகேஷ் கனகராஜ் இயக்கும் படத்தில் விஜய் நடித்து வருகிறார். இது விஜய்க்கு 64-வது படம் ஆகும்.
கதாநாயகியாக மாளவிகா மோகனன் நடிக்கிறார். இவர் ரஜினிகாந்தின் பேட்ட படத்தில் சசிகுமார் ஜோடியாக நடித்தவர்.

அவர் கூறும்போது “நான் விஜய்யின் தீவிர ரசிகை. அவருடன் நடிப்பேன் என்று கனவிலும் நினைக்கவில்லை. மகிழ்ச்சியாக உள்ளது” என்றார். விஜய் சேதுபதியும் முக்கிய கதாபாத்திரத்தில் நடிக்கிறார். அவர் விஜய்க்கு வில்லனாக நடிக்கிறாரா? நண்பனாக வருகிறாரா? என்பது தெரியவில்லை. இந்த படத்தில் நடிக்க அவருக்கு ரூ.10 கோடி சம்பளம் பேசி உள்ளதாக தகவல்.

பாக்யராஜ் மகன் சாந்தனு, மலையாள நடிகர் அந்தோணி வர்கீஸ், ஆண்ட்ரியா ஆகியோரும் நடிக்கின்றனர். சேவியர் பிரிட்டோ தயாரிக்கிறார். இதில் விஜய் பேராசிரியராக நடிப்பதாக கூறப்படுகிறது. டெல்லியில் உள்ள கல்லூரி ஒன்றில் படப்பிடிப்பு நடந்து வருகிறது. நடன காட்சியை அங்கு படமாக்கினர்.

அப்போது விஜய்யின் தோற்றத்தை யாரோ செல்போனில் படம்பிடித்து சமூக வலைத்தளத்தில் வெளியிட்டுள்ளனர். விஜய் லேசான தாடியுடன் உள்ள அந்த புகைப்படம் வைரலாகி வருகிறது. இது படக்குழுவினருக்கு அதிர்ச்சியை ஏற்படுத்தி உள்ளது. படப்பிடிப்பில் பாதுகாப்பை அதிகரித்துள்ளனர். படம் அடுத்த வருடம் கோடையில் திரைக்கு வருகிறது. 

தொடர்புடைய செய்திகள்

1. விஜய்யின் ‘சச்சின்’ 2-ம் பாகம்?
தமிழில் இரண்டாம் பாகம் படங்கள் அதிகம் வந்துள்ளன. ரஜினிகாந்தின் எந்திரன் 2-ம் பாகம் 2.0 என்ற பெயரில் வெளியானது.
2. திரைக்கு வருவது எப்போது? ரஜினி, விஜய், அஜித், சூர்யா படங்கள் பற்றி சிறப்பு தகவல்கள்
திரைக்கு வருவது எப்போது? ரஜினி, விஜய், அஜித், சூர்யா படங்கள் பற்றி சிறப்பு தகவல்கள்
3. விஜய், அஜித் ரசிகர்கள் மோதிக்கொள்வதா? விவேக், கஸ்தூரி காட்டம்
விஜய், அஜித் ரசிகர்கள் மோதிக்கொள்வதா? என விவேக், கஸ்தூரி காட்டமாக தெரிவித்துள்ளனர்.
4. துப்பாக்கி 2-ம் பாகத்தில் விஜய்?
லோகேஷ் கனகராஜ் இயக்கத்தில் விஜய் நடித்து வரும் மாஸ்டர் படப்பிடிப்பு முடிந்து தொழில் நுட்ப பணிகள் நடக்கின்றன. மாஸ்டர் அடுத்த மாதம் திரைக்கு வருகிறது. இந்த படத்துக்கு பிறகு விஜய்யின் புதிய படத்தை இயக்குவது யார் என்ற எதிர்பார்ப்பு நிலவுகிறது.