சினிமா செய்திகள்

விஜய் படத்தில் கவுரி கிஷான் + "||" + Gauri Kishan in Vijay's Film

விஜய் படத்தில் கவுரி கிஷான்

விஜய் படத்தில் கவுரி கிஷான்
விஜய் படத்தில் நடிகை கவுரி கிஷான் நடிக்க உள்ளார்.
 
விஜய் நடித்து தீபாவளிக்கு திரைக்கு வந்த பிகில் படத்துக்கு ரசிகர்கள் மத்தியில் வரவேற்பு கிடைத்தது. உலகம் முழுவதும் நல்ல வசூலும் பார்த்தது. அடுத்து லோகேஷ் கனகராஜ் இயக்கும் படத்தில் நடித்து வருகிறார். இது விஜய்க்கு 64-வது படம் ஆகும். பேராசிரியர் கதாபாத்திரத்தில் நடிப்பதாக கூறப்படுகிறது. இதன் முதல் கட்ட படப்பிடிப்பு சென்னையில் 22 நாட்கள் நடந்தது.

அடுத்த கட்ட படப்பிடிப்பு டெல்லியில் நடந்து வருகிறது. அங்கு காற்று மாசு காரணமாக படப்பிடிப்பில் தடங்கல்கள் ஏற்பட்டன. தற்போது மீண்டும் படப்பிடிப்பு தொடங்கி உள்ளது. இந்த படத்தில் மாளவிகா மோகனன் கதாநாயகியாக நடிக்கிறார். இவர் ரஜினியின் பேட்ட படத்தில் நடித்தவர். மலையாளம், கன்னடம், இந்தி படங்களிலும் நடித்துள்ளார்.

இன்னொரு நாயகியாக ஆண்ட்ரியா நடிக்கிறார். தற்போது நடிகை கவுரி கிஷானையும் விஜய் படத்துக்கு ஒப்பந்தம் செய்துள்ளனர். இவர் விஜய் சேதுபதி-திரிஷா நடித்த ‘96’ படத்தில் இளம் வயது திரிஷா கதாபாத்திரத்தில் நடித்து பிரபலமானார். விஜய் படத்தில் நடிப்பதை கவுரி கிஷான் சமூக வலைத்தளத்தில் உறுதிப்படுத்தி உள்ளார்.

அவர் கூறும்போது, “விஜய் படத்தில் நடிப்பது மகிழ்ச்சி அளிக்கிறது அனைவருடைய ஆசிர்வாதத்தால் இந்த படத்தில் நடிக்க எனக்கு வாய்ப்பு கிடைத்துள்ளது” என்றார்.

சாந்தனு, வர்கீஸ் ஆகியோரும் முக்கிய கதாபாத்திரங்களில் வருகிறார்கள்.


தொடர்புடைய செய்திகள்

1. விஜய் படத்தின் 2 லுக் போஸ்டர் வெளியீடு
நடிகர் விஜய்-ன் ‘பிகில்’ திரைப்படத்தின் 2 லுக் போஸ்டர் வெளியிடப்பட்டுள்ளது.