சினிமா செய்திகள்

கமலுக்கு நாளை அறுவை சிகிச்சை... ஓய்வுக்குப் பிறகு கட்சியினரை சந்திப்பார் + "||" + Tomorrow Kamal has surgery ... Retiring and meeting party

கமலுக்கு நாளை அறுவை சிகிச்சை... ஓய்வுக்குப் பிறகு கட்சியினரை சந்திப்பார்

கமலுக்கு நாளை அறுவை சிகிச்சை... ஓய்வுக்குப் பிறகு கட்சியினரை சந்திப்பார்
நவம்பர் 22-ம் தேதி கமலுக்கு, காலில் அறுவை சிகிச்சை நடைபெறவுள்ளதாகவும் அதனைத் தொடர்ந்து அவர் ஓய்வெடுக்கவுள்ளதாகவும் மக்கள் நீதி மய்யம் தெரிவித்துள்ளது.
சென்னை

கமல்ஹாசன் ஷங்கர் இயக்கத்தில் உருவாகும் 'இந்தியன் 2' படத்தில் நடித்து  வருகிறார் . இதன் படப்பிடிப்புக்கு இடையே தனது பிறந்த நாள் கொண்டாட்டம் மற்றும் திரையுலகிற்கு வந்து 60-ம் ஆண்டு கொண்டாட்டம் ஆகியவற்றையும் முடித்துள்ளார். இந்தப் பணிகளுக்கு இடையே மக்கள் நீதி மய்யத்தின் கட்சிப் பணிகளையும் கவனித்து வருகிறார்.

இந்நிலையில் கமலுக்கு நாளை காலில் அறுவை சிகிச்சை நடைபெறவுள்ளதாகவும், அதனைத் தொடர்ந்து அவர் ஓய்வில் இருக்கப் போவதாகவும் மக்கள் நீதி மய்யம் கட்சியின் துணைத் தலைவர் ஆர்.மகேந்திரன் தெரிவித்துள்ளார்.

இது தொடர்பாக இன்று அவர் வெளியிட்டுள்ள அறிக்கையில், ''கடந்த 2016-ம் ஆண்டு எதிர்பாராமல் நடந்த ஒரு விபத்தின் காரணமாக கமலின் வலது காலில் முறிவு ஏற்பட்டது. அம்முறிவினைச் சரி செய்வதற்காக அறுவை சிகிச்சை மேற்கொள்ளப்பட்டு அவரது காலில் டைட்டேனியம் கம்பி ஒன்று பொருத்தப்பட்டது.

அரசியல் மற்றும் சினிமாவில் கமலுக்கு இருந்த தொடர் வேலைப்பளு காரணமாக அக்கம்பியை அகற்றுவதற்கான சூழல் அமையாமல் தள்ளிப் போய்க் கொண்டிருந்தது.

மருத்துவர்களின் ஆலோசனைப்படி கமல்ஹாசனுக்கு நாளை (நவம்பர் 22) அக்கம்பியை அகற்றும் சிகிச்சை மேற்கொள்ளப்பட இருக்கிறது. சிகிச்சை மற்றும் அதன் தொடர்ச்சியாக சில நாட்கள் ஓய்விற்குப் பின் கமல் நம்மைச் சந்திப்பார்'' என்று ஆர்.மகேந்திரன் தெரிவித்துள்ளார்.

தொடர்புடைய செய்திகள்

1. மக்கள் பாராட்டால்தான் நடிகர்களுக்கு சம்பளம் அதிகரிக்கிறது; கமல்ஹாசன் பேட்டி
மக்கள் நீதி மய்யம் கட்சியின் தலைவரான நடிகர் கமல்ஹாசன், சென்னை மீனம்பாக்கம் விமான நிலையத்தில் நிருபர்களிடம் கூறியதாவது:-
2. தர்பார் படத்தில் சர்ச்சை வசனம் நீக்கப்படுவதும் ஒரு ஷாப்பிங் தான் - கமல்ஹாசன்
தர்பார் படத்தில் சர்ச்சை வசனம் நீக்கப்படுவதும் ஒரு ஷாப்பிங் தான் என கமல்ஹாசன் கூறியுள்ளார்.
3. ருமேனியாவில் அறுவை சிகிச்சையின்போது மூதாட்டிக்கு நேர்ந்த விபரீதம்
ருமேனியாவில் அறுவை சிகிச்சையின்போது எதிர்பாராத விதமாக தீ பற்றியது.
4. திமுக பேரணியில் மக்கள் நீதி மய்யம் பங்கேற்காது ; மக்கள் நீதி மய்யம் அதிகாரப்பூர்வ அறிவிப்பு
சென்னையில் நாளை மறுநாள் நடக்கும் திமுக பேரணியில் பங்கேற்க மாட்டோம் என்று மக்கள் நீதி மய்யம் அறிவித்துள்ளது.
5. திமுக பேரணியில் மக்கள் நீதி மய்யம் பங்கேற்குமா...? கமல்ஹாசன் வெளிநாடு செல்ல இருப்பதாக தகவல்
கமல்ஹாசன் வெளிநாடு செல்ல இருப்பதாகவும் இதனால் குடியுரிமை சட்ட திருத்தத்துக்கு எதிராக திமுக நடத்தும் பேரணியில் கமல் கட்சி பங்கேற்குமா? என கேள்வி எழுந்து உள்ளது.