சினிமா செய்திகள்

“நடிகர்கள் இணைந்து நடிப்பது நல்லது” -அருண் விஜய், பிரசன்னா பேட்டி + "||" + Arun Vijay, Prasanna Interview

“நடிகர்கள் இணைந்து நடிப்பது நல்லது” -அருண் விஜய், பிரசன்னா பேட்டி

“நடிகர்கள் இணைந்து நடிப்பது நல்லது”  -அருண் விஜய், பிரசன்னா பேட்டி
நடிகர்கள் இணைந்து நடிப்பது நல்லது என்று நடிகர்கள் அருண் விஜய், பிரசன்னா கூறினர்.
கார்த்திக் நரேன் இயக்கி உள்ள ‘மாபியா’ படத்தில் அருண் விஜய், பிரசன்னா இணைந்து நடித்துள்ளனர். கதாநாயகியாக பிரியா பவானி சங்கர் வருகிறார். சுபாஷ்கரன் தயாரித்துள்ளார். படக்குழுவினர் சென்னையில் நிருபர்களுக்கு பேட்டி அளித்தனர். அப்போது அருண் விஜய் கூறியதாவது:-

“தடம் படத்துக்கு பிறகு மாபியா படத்தில் நல்ல கதாபாத்திரம் அமைந்துள்ளது. இதில் போதை பொருள் தடுப்பு பிரிவு அதிகாரியாக வருகிறேன். நிறைய புதிய விஷயங்களை முயற்சி செய்துள்ளேன். எனது தோற்றமும் ஸ்டைலாக இருக்கும். பிரசன்னாவுக்கும், எனக்கும் நடக்கும் மோதலில் விறுவிறுப்பை பார்க்கலாம்.

கார்த்திக் நரேன் படத்தை தெளிவாக எடுத்துள்ளார். கதையோடு காதலும் இருக்கும். படங்களில் ஒன்றுக்கும் மேற்பட்ட கதாநாயகர்கள் இணைந்து நடிப்பது ஆரோக்கியமான விஷயம். இதனால் படத்துக்கு ரசிகர்கள் மத்தியில் பெரிய வரவேற்பு கிடைக்கும்.”

இவ்வாறு அவர் கூறினார்.

விழாவில் நடிகர் பிரசன்னா பேசும்போது, “படங்களில், ஒன்றுக்கு மேற்பட்ட கதாநாயகர்கள் இணைந்து நடிப்பது நல்ல விஷயம். தொடர்ந்து சில படங்களில் வில்லனாக நடிப்பது எனது இமேஜை பாதிக்காது. மீண்டும் கதாநாயகனாக நடிப்பதற்கு உதவவே செய்யும். எனவே வில்லன் வேடங்களை நேர்மறையாகவே பார்க்கிறேன். மாபியா படத்தில் அலட்டிக்கொள்ளாத வித்தியாசமான வில்லனாக நடித்து இருக்கிறேன். சொந்த படம் தயாரிக்கும் எண்ணம் இருக்கிறது” என்றார்.

நிகழ்ச்சியில் பிரியா பவானி சங்கர், இசையமைப்பாளர் ஜாக்ஸ் பெஜாய், பாடல் ஆசிரியர் விவேக் ஆகியோர் கலந்து கொண்டனர்.

தொடர்புடைய செய்திகள்

1. அருண் விஜய்யின் 30-வது படம்
‘முறை மாப்பிள்ளை’ படத்தில் அறிமுகமான அருண் விஜய்,
2. சம்பளத்தை உயர்த்தினார், அருண் விஜய்!
அருண் விஜய் நடித்த 3 படங்கள் வரிசையாக வெற்றி பெற்றுள்ளதால், அவருடைய சம்பளத்தை உயர்த்தி விட்டார்.
3. அஜித் படத்துக்கு முன்னுரிமை!
1995-ல் `முறை மாப்பிள்ளை' படத்தின் மூலம் தமிழ் திரையுலகுக்கு கதாநாயகனாக அறிமுகமானவர், அருண்குமார். நடிகர் விஜயகுமாரின் மகன்.
4. கிரீடம் அணிய மறுத்தது ஏன்?
விரைவில் திரைக்கு வர இருக்கும் ஒரு புதிய படத்தின் பத்திரிகையாளர்கள் சந்திப்பில் அந்த படத்தின் நாயகன் அருண் விஜய்க்கு படக்குழுவினர் ஆள் உயர மாலை அணிவித்தார்கள்.
5. அருண் விஜய்யின் ‘மாபியா’ ; சென்னை பின்னணியில் ஒரு போலீஸ் கதை!
‘துருவங்கள் பதினாறு,‘ ‘நரகாசூரன்’ ஆகிய படங்களை இயக்கி பிரபலமான கார்த்திக் நரேன் அடுத்து,‘ மாபியா’ என்ற படத்தை டைரக்டு செய்துள்ளார். இதில் அருண் விஜய் கதாநாயகனாகவும், பிரியா பவானி சங்கர் கதாநாயகியாகவும் நடித்துள்ளனர்.