சினிமா செய்திகள்

இனி தொழிலாளர்களின் பாதுகாப்பை உறுதி செய்தால் மட்டுமே படப்பிடிப்பு தளங்களோடு ஒப்பந்தம் - பெப்சி தீர்மானம் + "||" + No more workers Only if security is ensured Agreement with shooting sites Pepsi Resolution

இனி தொழிலாளர்களின் பாதுகாப்பை உறுதி செய்தால் மட்டுமே படப்பிடிப்பு தளங்களோடு ஒப்பந்தம் - பெப்சி தீர்மானம்

இனி தொழிலாளர்களின் பாதுகாப்பை உறுதி செய்தால் மட்டுமே படப்பிடிப்பு தளங்களோடு ஒப்பந்தம் - பெப்சி தீர்மானம்
படப்பிடிப்பு தளத்தினர் திரைப்படத் தொழிலாளர் சம்மேளனத்துடன் ஒப்பந்தம் போட்ட பின்னரே இனி பணியாளர்கள் தொழில் செய்ய முன்வருவார்கள் என பெப்சி தலைவர் ஆர்.கே செல்வமணி கூறினார்.
சென்னை

இந்தியன்-2 படபிடிப்பு தளத்தில் விபத்து ஏற்பட்டு மூன்று பேர் உயிரிழந்துள்ள நிலையில், திரைப்பட தொழிலாளர்கள் சம்மேளனத்தின் (பெப்சி) தலைவர் ஆர்.கே செல்வமணி இன்று நிருபர்களுக்கு பேட்டி அளித்தார். அப்போது அவர் கூறியதாவது:-

மிகப்பெரிய விபத்தாக முடிந்திருக்க வேண்டிய படப்பிடிப்பு தள விபத்து கடவுள் புண்ணியத்தால் சிறிய விபத்தாக முடிந்துள்ளது. காயம் பட்டவர்களில் 2 பேர் ஆபத்தான நிலையில் இருக்கின்றனர். பெப்சி கட்டடம் உருவாக இறந்த உறுப்பினர்களில் ஒருவரான எஸ்.ஆர்.சந்திரன் முக்கியக் காரணமாக இருந்தார்.

தமிழ்த் திரைத்துறை அடுத்தகட்டத்திற்கு தயாராகி வருகிறது. ஆங்கில படங்களுக்கு இணையான படங்கள் தயாரிக்கும் நிலை உருவாகியுள்ளது, அதேபோல ஆங்கிலப் படங்களுக்கு இணையான பாதுகாப்பையும் வழங்க வேண்டும் என்பது எங்களது கோரிக்கை. திரைத்துறைக்கு சம்பந்தமில்லாத உபகரணங்கள் தற்போது படப்பிடிப்பில் பயன்படுத்தப்படுகிறது.

சரியான உபகரணங்கள் இல்லாததால் தொழிற்சாலை உபகரணங்கள் பயன்படுத்தப்படுகிறது. அதைப் பயன்படுத்துவதற்கான தொழில்நுட்ப அறிவு இங்கிருக்கும் பணியாளர்களுக்கு , ஓட்டுநர்களுக்கு கிடையாது. திரைத்துறை சாராத உபகரணங்களை படப்பிடிப்புக்கு பயன்படுத்தும் போது சம்மேளனத்தின் அனுமதி பெற்ற பிறகே தொழிலாளர்கள் இனிமேல் படப்பிடிப்பில் பங்கேற்பார்கள். படப்பிடிப்பு தளங்களில் தொழிலாளர்களின் பாதுகாப்பை உறுதி செய்யும் வகையில் புதிய விதிகள் நடைமுறைப்படுத்தப்படும்

தனியார் படப்பிடிப்பு தளங்கள் பணியாளர்களின் மீது பொறுப்பு, கருணை இல்லாமல் இருக்கிறது. காலா, பிகிலை தொடர்ந்து ஈவிபி தளத்தில் இப்போது விபத்து ஏற்பட்டுள்ளது.

படப்பிடிப்பு தளத்தினர் திரைப்படத் தொழிலாளர் சம்மேளனத்துடன் ஒப்பந்தம் போட்ட பின்னரே இனி பணியாளர்கள் தொழில் செய்ய முன்வருவார்கள்.

விபத்து நடந்த பின்னர் சரியான நேரத்திற்கு அவசர ஊர்தி வந்து சேரவில்லை. பட நிறுவனம் காப்பீடு செய்துள்ளதால் இறந்தவர்களுக்கு இழப்பீடு கிடைக்கும்.

90 சதவீத விபத்துகள் பெரிய படங்களில்தான் ஏற்பட்டுள்ளது. லைட் மேன், கிரேன் ஆப்பரேட்டர்களுக்கு இடையே புரிதல் இருக்க வேண்டும் என்ற பாடத்தை இந்த விபத்து கொடுத்துள்ளது.

அஜித்திடம் படப்பிடிப்பை தமிழகத்தில் நடத்த வேண்டும் என்று வேண்டுகோள் விடுக்கப்பட்டது. அதை அவர் ஏற்றுக் கொண்டுள்ளார். ஐதராபாத்தில் நடைபெற்று வரும் ரஜினி படமும் அடுத்த கட்டமாக தமிழகத்தில் படம்பிடிக்கப்பட உள்ளது.

80 சதவீத படப்பிடிப்பை தமிழகத்தில் நடத்த வேண்டும் என்பது எங்களது நிபந்தனையாக இனி இருக்கும்.

மூன்று பணியாளர்களின் மரணம் இந்தியளவில் தாக்கத்தை ஏற்படுத்தியுள்ளது. கன்னியாகுமரி, மும்பை உள்ளிட்ட பகுதிகளின் படப்பிடிப்பில் மவுன அஞ்சலி செலுத்தப்பட்டுள்ளது என்று அவர் கூறினார்.

தொடர்புடைய செய்திகள்

1. பிரபல டிவி தொடர் குழந்தை நட்சத்திரம் மரணம்
இங்கிலாந்தின் பிரபல டிவி தொடர் குழந்தை நடசத்திரம் மரணமடைந்தார்
2. அணுவை விட சிறியது, அணுகுண்டை போல் கொடியது -கொரோனா விழிப்புணர்வுப் பாடல்
அணுவை விட சிறியது, அணுகுண்டை போல் கொடியது கொரோனா விழிப்புணர்வுப் பாடலில் இணைந்த வைரமுத்து எஸ்.பி. பால சுப்பிரமணியம்
3. ‘பெப்சி’ தொழிலாளர்களுக்கு நடிகர்கள் சூர்யா-கார்த்தி ரூ.10 லட்சம் உதவி
‘பெப்சி’ தொழிலாளர்களுக்கு நடிகர்கள் சூர்யா-கார்த்தி ரூ.10 லட்சம் நிதி உதவி அளித்தனர்.
4. எனது கருத்தை பாமர மக்களுக்கும் கொண்டு சேர்த்தவர்களுக்கு நன்றி -ரஜினிகாந்த்
எனது கருத்தை பாமர மக்களுக்கும் கொண்டு சேர்த்த ஊடகங்களுக்கும்,பத்திரிகைகளுக்கும், சமூக வலைதளங்களுக்கும், மன்ற உறுப்பினர்களுக்கும், ரசிகர்களுக்கும் எனது மனமார்ந்த நன்றி! என நடிகர் ரஜினிகாந்த் தெரிவித்து உள்ளார்.
5. ரஜினி அரசியல் கட்சி தொடங்குவது அவருக்கும் தெரியாது, இறைவனுக்கும் தெரியாது - நடிகர் வடிவேலு
ரஜினிகாந்த் கட்சி ஆரம்பிப்பாரா என்பது அவருக்கும் தெரியாது நமக்கும் தெரியாது என்று நடிகர் வடிவேலு கிண்டலாக கூறியுள்ளார்.