சினிமா செய்திகள்

ஜோர்டானில் 57 பேருடன் தவிக்கும் பிரித்விராஜ் -ஊர்திரும்ப விரும்புவதாக உருக்கம் + "||" + Actor Prithviraj Sukumaran Posts From Lockdown In Jordan Desert Camp With Film Crew

ஜோர்டானில் 57 பேருடன் தவிக்கும் பிரித்விராஜ் -ஊர்திரும்ப விரும்புவதாக உருக்கம்

ஜோர்டானில் 57 பேருடன் தவிக்கும் பிரித்விராஜ் -ஊர்திரும்ப விரும்புவதாக உருக்கம்
‘ஆடு ஜீவிதம்’ படப்பிடிப்புக்காக 57 பேருடன் ஜோர்டான் சென்று, தற்போது நாடு திரும்ப முடியாமல் நடிகர் பிரித்விராஜ் தவிக்கிறார்.
தமிழில் மொழி, கனா கண்டேன், சத்தம் போடாதே, வெள்ளித்திரை, நினைத்தாலே இனிக்கும் உள்ளிட்ட படங்களில் நடித்துள்ள மலையாள நடிகரான பிரித்விராஜ், ‘ஆடு ஜீவிதம்’ படப்பிடிப்புக்காக 57 பேருடன் ஜோர்டான் சென்று, தற்போது நாடு திரும்ப முடியாமல் தவிக்கிறார். இதுகுறித்து சமூக வலைத்தள பக்கத்தில் அவர் கூறியிருப்பதாவது:-

“கொரோனாவால் கடந்த 27-ந்தேதி எங்கள் படப்பிடிப்பு நிறுத்தப்பட்டது. இதனால் பாலைவனக் கூடாரத்தில் தங்கும் நிலை ஏற்பட்டது. ஏப்ரல் 2-வது வாரம் வரை படப்பிடிப்பு நடத்த திட்டமிட்டதால் அதற்கான உணவுகள் ஏற்பாடு செய்யப்பட்டன. குழுவில் உள்ள மருத்துவர் 72 மணிநேரத்துக்கு ஒருமுறை எங்களை பரிசோதனை செய்கிறார். ஊருக்கு திரும்ப ஆவலாக இருக்கிறோம். உலகம் தற்போது இருக்கும் சூழலில் எங்களை மீட்பது அதிகாரிகளின் கவலையாக இருக்காது என்பது புரிகிறது. உலகம் முழுவதும் ஆயிரக்கணக்கான இந்தியர்கள் ஊர் திரும்ப முடியாமல் உள்ளனர். வாய்ப்பு அமையும்போது ஊருக்கு வருவோம். அனைவரும் பாதுகாப்பாக இருங்கள். வாழ்க்கை மீண்டும் சகஜ நிலைக்கு திரும்பும் என்று நம்புவோம்”. இவ்வாறு கூறியுள்ளார்.

இதுகுறித்து கேரள முதல்-மந்திரிக்கு கேரள பிலிம்சேம்பர் தகவல் தெரிவித்து பிரித்விராஜ் உள்ளிட்ட 58 பேரையும் பத்திரமாக அழைத்துவர ஏற்பாடு செய்யும்படி வலியுறுத்தி உள்ளது.

தொடர்புடைய செய்திகள்

1. 68 நாட்களுக்கு பிறகு தமிழகத்தில் இன்று அரசு பேருந்துகள் ஓடத்தொடங்கின
தமிழகம் முழுவதும் இரண்டு மாதங்களுக்குப் பிறகு அரசுப் பேருந்துகள் 50 விழுக்காடு பயணிகளுடனும் சுகாதாரத்துறையின் கடுமையான விதிகளைப் பின்பற்றியும் இன்று முதல் இயங்கத் தொடங்கியுள்ளன.
2. சென்னை உள்பட 11 நகரங்களில் 5-வது கட்ட ஊரடங்கு தொடர வாய்ப்பு...?
சென்னை உள்பட 11 நகரங்களில் 5-வது கட்ட ஊரடங்கை தொடர்ந்து அமுல்படுத்த மத்திய அரசு திட்டமிட்டு வருகிறது.
3. புலம்பெயர்ந்தோரின்வேதனை: ரெயில் நிலையத்தில் தாயார் இறந்தது தெரியாமல் எழுப்ப முயன்ற குழந்தை
முடிவில்லாத புலம்பெயர்ந்த நெருக்கடியில் பீகார் நிலையத்தில் இறந்த தாயை குழந்தை ஒன்று எழுப்ப முயற்சிக்கிறது
4. பிரதமரின் ஆலோசகர் ஊரடங்கை மீறிய விவகாரம்: இங்கிலாந்து மந்திரி திடீர் ராஜினாமா
பிரதமரின் ஆலோசகர் ஊரடங்கை மீறிய விவகாரத்தில், இங்கிலாந்து மந்திரி தனது பதவியை திடீரென ராஜினாமா செய்தார்.
5. சவுதி அரேபியாவில் ஜூன் 21 அன்று ஊரடங்கு உத்தரவுதளர்த்தப்படும்
சவுதி அரேபியா ஜூன் 21 அன்று நாடு முழுவதும் தனது ஊரடங்கு உத்தரவு தளர்த்தப்படும் என தகவல்கள் வெளியாகியுள்ளது.