சினிமா செய்திகள்

கொரோனாவால் தாமதம் தீபாவளிக்கு தள்ளிப்போகும் ரஜினியின் அண்ணாத்த? + "||" + Rajini's Annaatthe may miss Diwali?

கொரோனாவால் தாமதம் தீபாவளிக்கு தள்ளிப்போகும் ரஜினியின் அண்ணாத்த?

கொரோனாவால் தாமதம் தீபாவளிக்கு தள்ளிப்போகும் ரஜினியின் அண்ணாத்த?
பட வேலைகள் பாக்கி இருப்பதால் ‘அண்ணாத்த’ தீபாவளிக்கு தள்ளிப்போகலாம் என்று கூறப்படுகிறது

தர்பார் படத்துக்கு பிறகு சிவா இயக்கத்தில் ரஜினிகாந்த் நடிக்கும் 168-வது படமான ‘அண்ணாத்த’ படத்தின் படப்பிடிப்பை சில மாதங்களுக்கு முன்பு ஐதராபாத்தில் உள்ள ராமோஜிராவ் திரைப்பட நகரில் தொடங்கினர். அங்கு படப்பிடிப்பை முடித்து விட்டு, கொல்கத்தா மற்றும் புனேயில் முக்கிய காட்சிகளை படமாக்க திட்டமிட்டனர்.

ஆனால் கொரோனா வைரஸ் காரணமாக வடநாட்டு பயணத்தை ரத்து செய்துவிட்டு ஐதராபாத்திலேயே படப்பிடிப்பை தொடர்ந்தனர். 60 சதவீதத்துக்கும் மேல் படப்பிடிப்பு முடிந்துள்ள நிலையில், கொரோனா ஊரடங்கினால் படப்பிடிப்பு நிறுத்தப்பட்டு உள்ளது.

இந்த படத்தை ஆயுத பூஜையில் திரைக்கு கொண்டுவர திட்டமிட்டனர். ஆனால் பட வேலைகள் பாக்கி இருப்பதால் ‘அண்ணாத்த’ தீபாவளிக்கு தள்ளிப்போகலாம் என்று கூறப்படுகிறது. இதில் மீனா, குஷ்பு, நயன்தாரா, கீர்த்தி சுரேஷ் ஆகிய 4 கதாநாயகிகள் நடிக்கின்றனர். கீர்த்தி சுரேஷ் ரஜினியின் தங்கையாகவும், நயன்தாரா வழக்கறிஞராகவும் நடிப்பதாக கூறப்படுகிறது. ‘அண்ணாத்த’ கிராமத்து கதையம்சத்தில் உருவாகிறது.

இந்த படத்துக்கு பிறகு லோகேஷ் கனகராஜ் இயக்கும் படத்தில் ரஜினி நடிக்கிறார். கமல்ஹாசன் தயாரிக்கிறார். இதன் படப்பிடிப்பு இந்த மாதத்தில் தொடங்குவதாக இருந்தது. ஆனால் கொரோனாவால் நின்று போன ‘அண்ணாத்த’ படத்தின் மீதி காட்சிகளை படமாக்க வேண்டி இருப்பதால், புதிய படத்தின் படப்பிடிப்பை ஆகஸ்டு மாதத்துக்கு தள்ளி வைத்து இருப்பதாக தகவல் வெளியாகி உள்ளது.


தொடர்புடைய செய்திகள்

1. கொரோனா அச்சுறுத்தல் எதிரொலி:‘நீட்’, ‘ஜே.இ.இ.’ தேர்வுகள் செப்டம்பர் மாதத்துக்கு தள்ளிவைப்பு - மத்திய அரசு அறிவிப்பு
கொரோனா அச்சுறுத்தல் காரணமாக ‘நீட்’ மற்றும் ‘ஜே.இ.இ.’ தேர்வுகள் செப்டம்பர் மாதத்துக்கு தள்ளி வைக்கப்பட்டு உள்ளதாக மத்திய அரசு அறிவித்து உள்ளது.
2. கொரோனா நோயாளிகளுக்கு சிகிச்சை அளிக்கும் டாக்டர், மருத்துவ பணியாளர்களின் உணவு-தங்கும் வசதிக்கு ரூ.40 கோடி - தமிழக அரசு ஒதுக்கீடு
கொரோனா நோயாளிகளுக்கு சிகிச்சை அளிக்கும் மருத்துவர்கள், மருத்துவப் பணியாளர்களின் உணவு, தங்குமிட வசதிகளுக்கான செலவுக்காக ரூ.40 கோடி தொகையை அனுமதித்து தமிழக அரசு உத்தரவிட்டுள்ளது.
3. கொரோனாவை எதிர்த்து போராட மாநிலங்களுக்கு 2 கோடி முக கவசங்கள் - மத்திய அரசு வினியோகம்
கொரோனா வைரஸ் தொற்று நோயை எதிர்த்து போராடுவதற்காக மாநிலங்களுக்கு 2 கோடி என்-95 முக கவசங்களை மத்திய அரசு வினியோகித்துள்ளது.
4. கொரோனாவுக்கு மதுராந்தகம் அரசு மருத்துவமனை தலைமை டாக்டர் பலி
சென்னை ராஜீவ்காந்தி ஆஸ்பத்திரியில் கொரோனாவுக்கு சிகிச்சை பெற்று வந்த மதுராந்தகம் அரசு மருத்துவமனை தலைமை டாக்டர் சிகிச்சை பலனின்றி உயிரிழந்தார்.
5. கொரோனா பாதிப்பில் இருந்து மீண்டார், ஜோகோவிச்
கொரோனா பாதிப்பில் இருந்து ஜோகோவிச் குணமடைந்தார்.