பிரபல தெலுங்கு நடிகர் மரணம்


பிரபல தெலுங்கு நடிகர் மரணம்
x
தினத்தந்தி 30 July 2020 1:28 AM GMT (Updated: 2020-07-30T06:58:37+05:30)

பிரபல தெலுங்கு நடிகரான ரவி கொண்டலா மரணமடைந்தார்.

பிரபல மூத்த தெலுங்கு நடிகர் ரவி கொண்டலா. இவர் ராமுடு பீமுடு, தெனே மனசுல, அண்டல ராமுடு, ஜீவித சக்ரம், பெல்லி புஸ்தகம், ராதா கோபாலம், கிங், வருடு உள்பட பல படங்களில் நடித்துள்ளார். சில படங்களை இயக்கி உள்ளார். திரைக்கதையும் எழுதி உள்ளார். தெலுங்கில் 600-க்கும் மேற்பட்ட படங்களில் பணியாற்றி உள்ளார். ராம் கோபால் வர்மா இயக்கத்தில் 2015-ல் திரைக்கு வந்த 365 டேஸ் என்ற படத்தில் கடைசியாக நடித்து இருந்தார்.

ரவி கொண்டலாவுக்கு சில தினங்களுக்கு முன்பு உடல்நலக்குறைவு ஏற்பட்டது. இதற்காக ஐதராபாத்தில் உள்ள தனியார் ஆஸ்பத்திரியில் சிகிச்சை பெற்று வந்தார். இந்த நிலையில் திடீரென்று மாரடைப்பு ஏற்பட்டு ரவி கொண்டலா மரணம் அடைந்தார். அவருக்கு வயது 88. ரவி கொண்டலா மறைவுக்கு ஆந்திர முன்னாள் முதல்-மந்திரி சந்திரபாபு நாயுடு டுவிட்டர் பக்கத்தில் இரங்கல் தெரிவித்துள்ளார். தெலுங்கு நடிகர் நடிகைகளும் இரங்கல் தெரிவித்துள்ளனர்.

Next Story