தமிழில் இருந்து தெலுங்குக்கு போகிறார்-விஜய் பட டைரக்டரின் திடீர் மாற்றம்

விஜய்யை வைத்து, ‘மாஸ்டர்’ படத்தை இயக்கி வரும் டைரக்டர் லோகேஷ் கனகராஜ், இதற்கு முன்பு ‘மாநகரம்’, கைதி’ ஆகிய படங்களை இயக்கியவர். இரண்டுமே வெற்றி படங்கள். அந்த படங்களின் வெற்றிதான் அவருக்கு ‘மாஸ்டர்’ படத்தை இயக்கும் வாய்ப்பை கொடுத்தது.

இந்த படத்தின் படப்பிடிப்பு முடிவடைந்த நிலையில், லோகேஷ் கனகராஜ் அடுத்து ரஜினிகாந்த் நடிக்கும் புதிய படத்தை இயக்குவதாக இருந்தார்.

ரஜினிகாந்த் நடித்துக் கொண்டிருந்த ‘அண்ணாத்த’ படம், இன்னும் முடிவடையவில்லை. அந்த படம் முடிவதற்கு இன்னும் 2 மாதங்கள் ஆகும் என்பதால், இரண்டு மாதங்களில் குறைந்த பட்ஜெட்டில் ஒரு தெலுங்கு படத்தை இயக்க லோகேஷ் கனகராஜ் முடிவு செய்து இருக்கிறார். தெலுங்கு படத்தை முடித்துக் கொடுத்து விட்டு, அவர் ரஜினிகாந்த் நடிக்கும் படத்தை இயக்குவார் என்று பேசப்படுகிறது