சினிமா செய்திகள்

மும்பையை ’மினி பாகிஸ்தான்’ என விமர்சித்த நடிகை கங்கனா ரணாவத்திற்கு ’ஒய்’ பிரிவு பாதுகாப்பு + "||" + Home Ministry grants ‘Y+ category’ security to Kangana Ranaut ahead of Mumbai visit

மும்பையை ’மினி பாகிஸ்தான்’ என விமர்சித்த நடிகை கங்கனா ரணாவத்திற்கு ’ஒய்’ பிரிவு பாதுகாப்பு

மும்பையை ’மினி பாகிஸ்தான்’ என விமர்சித்த நடிகை கங்கனா ரணாவத்திற்கு ’ஒய்’ பிரிவு பாதுகாப்பு
நடிகை கங்கனா ரணாவத்தின் மும்பை பயணத்தின் போது அவருக்கு ஒய் பிரிவு பாதுகாப்பு வழங்கப்பட உள்ளதாக செய்திகள் வெளிவந்துள்ளன.
மும்பை,

சுஷாந்த் சிங் தற்கொலைக்கு பிறகு இந்தியில் வாரிசு நடிகர்கள் ஆதிக்கம், போதை பொருள் புழக்கம் உள்ளது என்றெல்லாம் நடிகை கங்கனா ரணாவத் குற்றம் சாட்டி வருகிறார். வாரிசு நடிகர்களுக்கு ஆதரவாக இருப்பதாக மராட்டிய அரசியல்வாதிகள் மற்றும் மும்பை போலீசாரையும் சாடினார். இதற்கு எதிர்ப்புகள் கிளம்பின.

சிவசேனா கட்சியின் மூத்த தலைவர் சஞ்சய் ராவத் கூறும்போது, கங்கனா மராட்டியத்தையும் மும்பை போலீசையும் அவமானப்படுத்தி உள்ளார். பயம் இருந்தால் மும்பைக்கு திரும்ப வேண்டாம் என்று கூறியிருந்தார். மராட்டிய மந்திரி அனில் தேஷ்முக் கூறும்போது, மும்பை போலீசார் ஸ்காட்லாந்து யார்டு போலீசுக்கு இணையானவர்கள். மும்பை போலீசை குற்றம் சாட்டும் கங்கனா ரணாவத்துக்கு மும்பையிலோ அல்லது மராட்டிய மாநிலத்திலோ வாழ உரிமை இல்லை என்றார்.

இதற்கு பதில் அளிக்கும் வகையில் கங்கனா ரணாவத் டுவிட்டரில், ‘‘நான் மும்பை வரவேண்டாம் என்று பலரும் என்னை அச்சுறுத்துகிறார்கள். வருகிற 9-ந்தேதி மும்பை வருகிறேன். முடிந்தால் என்னை தடுத்து பாருங்கள்” என்று சவால் விடுத்துள்ளார். கங்கனா தற்போது சொந்த ஊரான மணாலியில் தங்கி உள்ளார்.

வரும் 9 ஆம் தேதி மும்பைக்கு வரும் கங்கனா ரணாவத்திற்கு அச்சுறுத்தல் ஏற்படும் என்பதால் மத்திய உள்துறை அமைச்சகம் ஒய் பிரிவு பாதுகாப்பு வழங்க அனுமதித்துள்ளதாக செய்திகள் வெளியாகியுள்ளன.


தொடர்புடைய செய்திகள்

1. கொரோனா பரவல் அதிகரிப்பு: வழிகாட்டு நெறிமுறைகளை வெளியிட்டது உள்துறை அமைச்சகம்
நாடு முழுவதும் கொரோனா பரவல் மீண்டும் அதிகரித்து வருகிறது.
2. கடந்த ஆண்டு காஷ்மீரில் பயங்கரவாத தாக்குதல் சம்பவங்கள் பெருமளவு குறைவு - உள்துறை அமைச்சகம் தகவல்
கடந்த ஆண்டு ஜம்மு-காஷ்மீரில் 244 பயங்கரவாத தாக்குதல் சம்பவங்கள் நடைபெற்றுள்ளதாக உள்துறை அமைச்சகம் தெரிவித்துள்ளது.
3. கடந்த 2 ஆண்டுகளில் வங்காளதேசத்தில் இருந்து இந்தியாவுக்குள் 1045 ஊடுருவல் சம்பவங்கள் - உள்துறை அமைச்சகம் தகவல்
கடந்த 2 ஆண்டுகளில் வங்காளதேச எல்லை வழியாக இந்தியாவுக்குள் 1,045 ஊடுருவல் சம்வங்கள் அரங்கேறி உள்ளதாக மத்திய உள்துறை அமைச்சகம் தெரிவித்துள்ளது.
4. ஜம்மு காஷ்மீரில் தற்போது யாரும் வீட்டுக்காவலில் வைக்கப்படவில்லை: உள்துறை அமைச்சகம்
ஜம்மு காஷ்மீரில் இன்றைய தேதியில் வீட்டுக்காவலில் யாரும் வைக்கப்படவில்லை என உள்துறை அமைச்சகம் தெரிவித்துள்ளது.
5. மத்திய அரசுக்கும் மம்தா அரசுக்கும் மோதல் வலுக்கிறது- 3 ஐ.பி.எஸ். அதிகாரிகள் மத்திய பணிக்கு அதிரடி மாற்றம்
பா.ஜ.க. தலைவர் கார் தாக்குதல் விவகாரத்தில் 3 ஐ.பி.எஸ். அதிகாரிகள் மத்திய பணிக்கு அதிரடியாக மாற்றப்பட்டுள்ளனர். இதனால் மத்திய அரசுக்கும், மம்தா அரசுக்கும் இடையேயான மோதல் வலுக்கிறது.