தமிழ் பட நடிகருக்கு கொரோனா

இந்தியாவில் கொரோனா பரவல் அதிகரித்து வருகிறது. அமிதாப்பச்சன், அபிஷேக் பச்சன், விஷால், நடிகைகள் ஐஸ்வர்யாராய், நிக்கி கல்ராணி, ஐஸ்வர்யா அர்ஜூன் டி.வி நடிகர் ரவிகிருஷ்ணா, டி.வி நடிகை நவ்யா சாமி உள்ளிட்ட நடிகர், நடிகைகள், இயக்குனர்கள் பலர் கொரோனா தொற்றில் சிக்கி குணமடைந்துள்ளனர். இந்த நிலையில் பிரபல இந்தி நடிகர் அப்தாப்பும் கொரோனா பாதிப்புக்கு உள்ளாகி இருக்கிறார். இவர் தமிழில் சித்திக் இயக்கத்தில் அரவிந்தசாமி, அமலாபால் நடித்து 2018-ல் திரைக்கு வந்த பாஸ்கர் ஒரு ராஸ்கல் படத்தில் அமலாபால் கணவராக நடித்து இருந்தார். இந்தியில் அதிக படங்களில் நடித்துள்ளார். காய்ச்சல் மற்றும் இருமல் ஏற்பட்டு பரிசோதனையில் அவருக்கு கொரோனா இருப்பது உறுதியானது. இதுகுறித்து அப்தாப் வலைத்தளத்தில் வெளியிட்டுள்ள பதிவில், ‘’எனக்கு கொரோனா பாதிப்பு ஏற்பட்டதால் மருத்துவர்கள் ஆலோசனையோடு வீட்டில் தனிமைப்படுத்தி சிகிச்சை பெற்று வருகிறேன். கடந்த சில நாட்களாக என்னுடன் தொடர்பில் இருந்த அனைவரும் பரிசோதனை செய்து கொள்ளுங்கள். வெளியே செல்லும்போது முக கவசம் அணியுங்கள். நமது உயிரை காப்பாற்றிக்கொள்ள நாம்தான் பாதுகாப்பாக இருக்க வேண்டும். கொரோனாவுக்கு எதிராக அனைவரும் இணைந்து போராடுவோம்” என்று கூறியுள்ளார்.