துபாயில் வீடு வாங்கிய நடிகர் மோகன்லால்

வானுயர்ந்த அழகிய கட்டிடங்களுடன் ஜொலிக்கும் துபாயில் குடியேறவும் சொத்துகள் வாங்கி குவிக்கவும் பிரபலங்கள் பலரும் ஆர்வம் காட்டுகின்றனர். வெளிநாட்டினர் பலர் இங்கு சொந்தமாக வீடுகள் வைத்து இருக்கிறார்கள். அவர்களில் பெரும்பாலானோர் நடிகர்-நடிகைகள் மற்றும் விளையாட்டு வீரர்கள். இந்தி நடிகர் ஷாருக்கானுக்கு பாம் ஜுமைரா தீவில் சொந்தமாக 8,500 சதுர அடியில் 2 அடுக்குமாடி மற்றும் 6 படுக்கை அறைகள் கொண்ட வீடு உள்ளது. இந்தி நட்சத்திர தம்பதிகள் அபிஷேக் பச்சன், ஐஸ்வர்யா ராய்க்கு துபாயில் ஜுமைரா கோப் எஸ்டேட்ஸ் என்ற பகுதியில் உள்ள சான்ச்சூவரி பால்ஸ் என்ற இடத்தில் சொந்தமாக ஆடம்பர பங்களா உள்ளது. இங்கு மொத்தம் 96 வீடுகள் மட்டுமே உள்ளனவாம். இந்த நிலையில் பிரபல மலையாள நடிகர் மோகன்லாலும் துபாயில் சொந்தமாக வீடு வாங்கி இருக்கிறார். அந்த வீட்டில் கிரகப்பிரவேசம் செய்த புகைப்படங்கள் வலைத்தளத்தில் வைரலாகி வருகின்றன. 2010-ம் ஆண்டிலும் துபாயில் ரூ.3.50 கோடிக்கு அவர் வீடு வாங்கி இருந்தார் என்பது குறிப்பிடத்தக்கது.