குஷ்பு, பூனம் தில்லான் 80-களின் தோழிகளை சந்தித்த நடிகை நதியா


குஷ்பு, பூனம் தில்லான் 80-களின் தோழிகளை சந்தித்த நடிகை நதியா
x
தினத்தந்தி 20 Jan 2021 11:30 PM GMT (Updated: 20 Jan 2021 8:54 PM GMT)

தமிழில் பூவே பூச்சூடவா படத்தில் அறிமுகமாகி 1980 மற்றும் 1990-களில் முன்னணி கதாநாயகியாக வலம் வந்தவர் நதியா. இவர் நடித்த பல படங்கள் வெற்றி பெற்றன.

ரஜினிகாந்த், மோகன், சத்யராஜ், சிவகுமார், விஜயகாந்த், சுரேஷ் உள்ளிட்ட முன்னணி நடிகர்களுடன் இணைந்து நடித்துள்ளார். மலையாளம், தெலுங்கு மொழிகளிலும் அதிக படங்களில் நடித்து இருந்தார். திருமணத்துக்கு பிறகு சினிமாவை விட்டு ஒதுங்கிய நதியா நீண்ட இடைவெளிக்கு பிறகு ஜெயம் ரவியின் எம்.குமரன் சன் ஆப் மகாலட்சுமி படத்தில் அம்மா கதாபாத்திரத்தில் நடித்து மீண்டும் திரையுலகுக்கு வந்தார். தற்போது தெலுங்கு படங்களில் நடித்து வருகிறார். இந்த நிலையில் மும்பையில் நடிகை குஷ்பு, பிரபல இந்தி நடிகை பூனம் தில்லான் ஆகியோரை நதியா சந்தித்துள்ளார். அந்த புகைப்படத்தை தனது டுவிட்டர் பக்கத்தில் வெளியிட்டு ‘80-களின் நெருங்கிய தோழிகளான குஷ்பு, பூனம் தில்லான் ஆகியோரை சந்தித்தது மகிழ்ச்சி அளித்தது' என்ற பதிவையும் வெளியிட்டுள்ளார். இந்த புகைப்படம் சமூக வலைதளத்தில் வைரலாகிறது.

Next Story