திகில் தொடரில் காஜல் அகர்வால்


திகில் தொடரில் காஜல் அகர்வால்
x
தினத்தந்தி 26 Jan 2021 6:25 AM GMT (Updated: 26 Jan 2021 6:25 AM GMT)

முன்னணி நடிகர், நடிகைகள் வெப் தொடர்களில் நடிக்க தொடங்கி உள்ளனர். சூர்யாவும் வெப் தொடரில் நடிக்கிறார். தற்போது காஜல் அகர்வாலும் வெப் தொடரில் நடித்து வருகிறார். இதில் வைபவ்வும் முக்கிய கதாபாத்திரத்தில் நடிக்கிறார். இந்த தொடரை வெங்கட்பிரபு இயக்குகிறார்.

தொடருக்கு ‘லைவ் டெலிகாஸ்ட்' என்று பெயர் வைத்துள்ளனர். பேய் கதையம்சம் உள்ள தொடராக தயாராகிறது. காஜல் அகர்வால் பேயாக வருகிறார். 

இதுகுறித்து காஜல் அகர்வால் கூறும்போது, “சமீப காலமாக வெப் தொடர்கள் ஆதிக்கம் அதிகமாக உள்ளது. நடிகர,் நடிகைகள் பலரும் வெப் தொடர்களில் நடிக்க ஆரம்பித்துள்ளனர். நானும் வெப் தொடரில் நடிக்கிறேன். 10 தொடர்களாக இது வெளிவரும். தமிழ், தெலுங்கில் அதிக படங்களில் நடித்துவிட்டேன். சவாலான விஷயங்களில் ஈடுபட எப்போதுமே தயாராக இருக்கிறேன்'' என்றார். 

இந்த வெப் தொடரின் முதல் எபிசோட் அடுத்த மாதம் 12-ந் தேதி ஓ.டி.டி. தளத்தில் வெளியாகும் என்று அறிவித்து காஜல் அகர்வால் தோற்றத்தையும் வெளியிட்டு உள்ளனர்.

Next Story