நடிகர் விஜயின் 65-வது திரைப்படத்தின் படப்பிடிப்பு பணிகள் போட்டோ ஷூட்டுடன் தொடக்கம்

சென்னை

விஜய் நடிப்பில் லோகேஷ் கனகராஜ் இயக்கத்தில் பொங்கல் பண்டியையொட்டி வெளியான மாஸ்டர் திரைப்படம் திரையரங்குகளில் வெற்றிகரமாக ஓடிக்கொண்டிருக்கிறது. இதனையடுத்து நடிகர் விஜயின் 65 வது திரைப்படத்தை கோலமாவு கோகிலா படத்தை இயக்கிய நெல்சன் திலிப்குமார் இயக்குகிறார்.

இது சென்னையில் உள்ள சன் குழுமத்தின் ஸ்டுடியோவில் நடந்துள்ளது. சன் நெட்வொர்க் ஊழியர்களுடன் நெல்சன் திலீப்குமார் புகைப்படங்கள் எடுத்திருக்கிறார். அந்தப் படங்கள் இணையத்தில் வெளியாகியுள்ளன. தளபதி 65 படத்தில் விஜய்க்கு ஒரு மாஸ் லுக் இறுதி செய்யப்பட்டுள்ளதாகவும், அதைப் பார்த்து இயக்குநரும் படக்குழுவினரும் திகைத்துப்போனதாகவும் கூறுகிறார்கள்.

அனிருத் ரவிச்சந்தர் இசையமைக்கும் ‘தளபதி 65’படத்தில் பூஜா ஹெக்டே மற்றும் ராஷ்மிகா மந்தன்னா ஆகியோர் நடிக்க பேச்சுவார்த்தை நடத்தி வருவதாக நெருங்கிய வட்டாரங்கள் தெரிவிக்கின்றன. 

அடுத்த ஆண்டு பொங்கல் பண்டிகையையொட்டி இத்திரைப்படம் வெளியாகும் என எதிர்ப்பார்க்கப்படுகிறது.