வளரும் நடிகைகளுக்கு தமன்னா அறிவுரை


வளரும் நடிகைகளுக்கு தமன்னா அறிவுரை
x
தினத்தந்தி 5 March 2021 6:06 AM GMT (Updated: 5 March 2021 6:06 AM GMT)

தமிழ் திரையுலகில் முன்னணி நடிகையாக இருந்த தமன்னா தற்போது 5 தெலுங்கு படங்களிலும் ஒரு இந்தி படத்திலும் நடித்து வருகிறார்.

தமிழ் திரையுலகில் முன்னணி நடிகையாக இருந்த தமன்னா தற்போது 5 தெலுங்கு படங்களிலும் ஒரு இந்தி படத்திலும் நடித்து வருகிறார். அவர் அளித்த பேட்டி வருமாறு:-

“எவ்வளவு பெரிய நடிகர், நடிகையாக இருந்தாலும் சில நேரங்களில் பட வாய்ப்புகளுக்காக காத்திருக்க வேண்டிய நிலைமைகள் வரும். திரையில் நம்மை காணவில்லை என்றால் மக்கள் மறந்து விடுவார்களோ என்ற பயத்தில் எந்த வாய்ப்பு வந்தாலும் அதில் நடிக்க வேண்டும் என்று சில நடிகைகள் ஒப்புக்கொள்கிறார்கள். அந்த சமயத்தில்தான் நிறைய தவறுகள் நடக்கும். வளரும் நடிகைகள் தங்களுக்கு எந்த கதாபாத்திரம் பொருத்தமாக இருக்கும் எது பொருந்தாது என்பதில் தெளிவாக இருக்க வேண்டும். இல்லாவிட்டால் முதலுக்கே மோசம் வந்துவிடும். வாய்ப்புகள் கிடைக்காவிட்டாலும் சரி பிடிக்காத படங்களை எந்த நிலையிலும் ஒப்புக்கொள்ளவே கூடாது. பிடிக்காத படத்தை ஒப்புக்கொண்டால் அந்த ஒரு படத்தினால் சினிமா வாழ்க்கை மொத்தமும் அழிந்துவிடும். சரியான கதாபாத்திரங்கள் வராதபோது வந்ததையெல்லாம் ஒப்புக்கொள்ளாமல் சும்மா இருந்தால் கூட பரவாயில்லை.''

இவ்வாறு தமன்னா கூறினார்.

Next Story