திரிஷா படம் ஓ.டி.டி.யில் ரிலீஸ்?


திரிஷா படம் ஓ.டி.டி.யில் ரிலீஸ்?
x
தினத்தந்தி 19 March 2021 1:04 AM GMT (Updated: 19 March 2021 1:04 AM GMT)

கொரோனா திரையுலகில் பெரிய பாதிப்பை ஏற்படுத்தி உள்ளது. ஊரடங்கு தளர்வில் தியேட்டர்களை திறந்தும் ரசிகர்கள் படம் பார்க்க ஆர்வம் காட்டவில்லை.

கொரோனா திரையுலகில் பெரிய பாதிப்பை ஏற்படுத்தி உள்ளது. ஊரடங்கு தளர்வில் தியேட்டர்களை திறந்தும் ரசிகர்கள் படம் பார்க்க ஆர்வம் காட்டவில்லை. ஒரு காட்சிக்கு 10 அல்லது 15 பேர் மட்டுமே வருவதாக கூறப்படுகிறது. இதனால் சமீபத்தில் வெளியான முன்னணி நடிகர்களின் படங்கள் தோல்வியை சந்தித்துள்ளன. இந்த நிலையில் தயாரிப்பாளர்கள் கவனம் ஓ.டி.டி. தளங்கள் பக்கம் திரும்பி உள்ளது. ஏற்கனவே சூர்யாவின் சூரரைப்போற்று, ஜெயம் ரவியின் பூமி, விஜய்சேதுபதி நடித்துள்ள க.பெ.ரணசிங்கம், மாதவனின் சைலன்ஸ், ஜோதிகாவின் பொன்மகள் வந்தாள், நயன்தாராவின் மூக்குத்தி அம்மன், கீர்த்தி சுரேசின் பென்குயின் உள்ளிட்ட படங்கள் தியேட்டர் அதிபர்கள் எதிர்ப்பை மீறி ஓ.டி.டி. தளங்களில் வெளிவந்தன. இந்த நிலையில் திருஞானம் இயக்கத்தில் திரிஷா நடித்துள்ள பரமபதம் விளையாட்டு படத்தையும் ஓ.டி.டி.யில் வெளியிட பேச்சுவார்த்தை நடக்கிறது. கடந்த வருடம் பிப்ரவரி மாதம் தியேட்டர்களில் வெளியாக இருந்த பரமபதம் விளையாட்டு கடைசி நேரத்தில் தள்ளிவைக்கப்பட்டது.

Next Story