வில்லன் நடிகருக்கு கொரோனா தொற்று


வில்லன் நடிகருக்கு கொரோனா தொற்று
x
தினத்தந்தி 27 March 2021 12:25 AM GMT (Updated: 27 March 2021 12:25 AM GMT)

பிரபல வில்லன் நடிகர் மிலிந்த் சோமனுக்கு கொரோனா பாதிப்பு ஏற்பட்டு உள்ளது.

பிரபல வில்லன் நடிகர் மிலிந்த் சோமனுக்கு கொரோனா பாதிப்பு ஏற்பட்டு உள்ளது. இவருக்கு திடீர் உடல்நலக்குறைவு ஏற்பட்டு பரிசோதனையில் கொரோனா இருப்பது உறுதியானது. தனக்கு கொரோனா தொற்று இருக்கும் தகவலை மிலிந்த் சோமன் டுவிட்டர் பக்கத்தில் பகிர்ந்து தனிமைப்படுத்திக்கொண்டு சிகிச்சை பெற்று வருவதாக தெரிவித்து உள்ளார்.

மிலிந்த் சோமன் தமிழில், கவுதம் மேனன் இயக்கத்தில் சரத்குமார், ஜோதிகா, ஆண்ட்ரியா ஆகியோர் நடித்த பச்சைக்கிளி முத்துச்சரம் படத்தில் குரூர வில்லனாக அறிமுகமானார். தொடர்ந்து கார்த்தியின் பையா, அலெக்ஸ் பாண்டியன் படங்களிலும் வில்லனாக நடித்து இருந்தார். இந்தியில் அதிக படங்களில் நடித்து முன்னணி வில்லன் நடிகராக இருக்கிறார். கொரோனா இரண்டாவது அலை நாடு முழுவதும் வேகமாக பரவி வருகிறது. மராட்டியத்தில் அதிகமானோருக்கு நோய் பாதிப்பு ஏற்பட்டு உள்ளது. மும்பையில் தங்கி உள்ள நடிகர்கள் கொரோனா தொற்றில் சிக்குகிறார்கள். இரு தினங்களுக்கு முன்பு நடிகர்கள் அமீர்கான், மாதவன் ஆகியோருக்கு கொரோனா தொற்று ஏற்பட்டு சிகிச்சை பெற்று வருகிறார்கள்.

Next Story