<
பா.ஜ.க எம்.பி.யும், நடிகர் அனுபம் கேர் மனைவியுமான கிரோன் கேருக்கு ரத்த புற்று நோய்
பா.ஜ.க எம்.பி.யும், நடிகர் அனுபம் கேர் மனைவியுமான கிரோன் கேருக்கு ரத்த புற்று நோய் நோய் பாதிப்பு இருப்பதாக தகவல் வெளியாகி உள்ளது.
மும்பை
தனது மனைவி கிரோன் கேருக்கு மையெலோமா என்கிற ரத்தப் புற்றுநோய் பாதிப்பு இருப்பதாகவும், அதற்கான சிகிச்சை நடைபெற்று வருவதாகவும் நடிகர் அனுபம் கேர் கூறி உள்ளார்.
பாலிவுட்டின் பிரபல நடிகர் அனுபம் கேர். தேசிய விருதுகள் உள்ளிட்ட பல்வேறு விருதுகளை பெற்றுள்ள இவர் சிறந்த உறுதுணை நடிகர் என்று பெயர் பெற்றவர். 1985ஆம் ஆண்டு நடிகை கிரோன் கேரைத் திருமணம் செய்து கொண்டார்.
கிரோன் கேரும் பாலிவுட்டிலும், சின்னத்திரையிலும் மிகப் பிரபலமான நடிகை. 'ரங்க் தே பசந்தி', 'ஃபனா', 'ஓம் சாந்தி ஓம்' உள்ளிட்ட பல படங்களில் நடித்தவர். இவரது முதல் திருமணத்தில் சிகந்தர் என்றொரு மகன் இவருக்கு உண்டு.
அனுபம் கேர், கிரோன் கேர் இருவருமே பாஜக கட்சியில் தீவிரமாக இயங்கி வருபவர்கள். சண்டிகரிலிருந்து எம்.பி.யாகத் தேர்வானவர் கிரோன் கேர். நீண்ட நாட்களாகவே கிரோன் கேர் பணியில் காணப்படவில்லை.
இதுகுறித்து சண்டிகர் நகரின் பாஜக தலைவர் அருண் சூட், கிரோன் கேருக்கு ரத்தப் புற்றுநோய் பாதிப்பு இருப்பதாகக் குறிப்பிட்டார். தற்போது இதுகுறித்து அனுபம் கேர் உறுதி செய்துள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
