பிரபல பாடகர் பப்பி லஹரிக்கு கொரோனா

பிரபல இந்தி இசையமைப்பாளரும் பாடகருமான பப்பி லஹரி இந்திய திரையுலகில் டிஸ்கோ இசையை பிரபலப்படுத்தியவர் ஆவார். இவர் ஏராளமான இந்தி படங்களுக்கு இசையமைத்து பாடல்களும் பாடி இருக்கிறார். தமிழில் கார்த்திக் நடித்த அபூர்வ சகோதரிகள், ஆனந்த் பாபு நடித்த பாடும் வானம்பாடி, சுரேஷ் நடித்த கிழக்கு ஆப்பிரிக்காவில் ஷீலா ஆகிய படங்களுக்கு இசையமைத்துள்ளார். கருப்பம்பட்டி படத்தில் ஒரு பாடலை பாடி உள்ளார். தெலுங்கு படங்களுக்கும் இசையமைத்துள்ளார். பப்பி லஹரிக்கு திடீர் உடல்நலக்குறைவு ஏற்பட்டது. பரிசோதனையில் அவருக்கு கொரோனா தொற்று இருப்பது உறுதியானது. இதையடுத்து மும்பை ஆஸ்பத்திரியில் அனுமதிக்கப்பட்டு உள்ளார். அவருக்கு தீவிர சிகிச்சை அளிக்கப்பட்டு வருகிறது. கொரோனா இரண்டாவது அலையில் திரையுலகினர் பலர் சிக்கி வருவது ரசிகர்களுக்கு அதிர்ச்சியை ஏற்படுத்தி உள்ளது. சமீபத்தில் அமீர்கான், மாதவன், வில்லன் நடிகர் பவேஷ் ராவல், பக்ரு ஆகியோருக்கு கொரோனா தொற்று ஏற்பட்டு தனிமைப்படுத்தி சிகிச்சை பெற்று வருகிறார்கள்.