விஜய் ஜோடியாக நடிக்க பூஜா ஹெக்டேவுக்கு ரூ.3 கோடி சம்பளம்?

இந்த படத்தை நயன்தாராவை வைத்து கோலமாவு கோகிலா, சிவகார்த்திகேயன் நடித்து திரைக்கு வர உள்ள டாக்டர் படங்களை இயக்கி பிரபலமான நெல்சன் இயக்குகிறார். இது விஜய்க்கு 65-வது படம்.

படத்துக்கு இன்னும் பெயர் வைக்கவில்லை. இந்த படத்தில் விஜய் ஜோடியாக பூஜா ஹெக்டே நடிக்கிறார். இவர் 2012-ல் திரைக்கு வந்த முகமூடி படத்தில் ஜீவா ஜோடியாக நடித்து பிரபலமானார். 

தெலுங்கு, இந்தி படங்களிலும் நடித்து இருக்கிறார். படப்பிடிப்புக்காக விஜய் உள்ளிட்ட படக்குழுவினர் ஜார்ஜியா சென்றுள்ளனர். அங்கு 20 நாட்கள் படப்பிடிப்பு நடத்திவிட்டு சென்னை திரும்புகிறார்கள்.இந்த படத்தில் கதாநாயகியாக வரும் பூஜா ஹெக்டேவுக்கு ரூ.3 கோடி சம்பளம் பேசி இருப்பதாக சமூக வலைத்தளத்தில் தகவல் பரவி வருகிறது. பூஜா ஹெக்டே இதுவரை ரூ.2 கோடி சம்பளம் வாங்கி வந்ததாக கூறப்படுகிறது. தெலுங்கு நடிகர் அல்லு அர்ஜுன் ஜோடியாக நடித்து திரைக்கு வந்த முந்தைய படமான அல வைகுந்தபுரமுலூ படத்தில் பூஜா ஹெக்டே ரூ.2 கோடி வாங்கி இருந்தார். ஆனால் விஜய் படத்தில் கூடுதலாக ரூ.1 கோடி கேட்டு இருப்பதாக கூறப்படுகிறது.