விஜய்யுடன் நடிக்கும் ஜூனியர் என்.டி.ஆர்.?


விஜய்யுடன் நடிக்கும் ஜூனியர் என்.டி.ஆர்.?
x
தினத்தந்தி 19 April 2021 5:54 PM GMT (Updated: 19 April 2021 5:54 PM GMT)

ஒரே படத்தில் இரண்டு முன்று கதாநாயகர்கள் இணைந்து நடிப்பதை இந்தி பட உலகில் சகஜமாக காண முடியும். தமிழ் திரையுலகில் ஏற்கனவே இந்த முறை இருந்துள்ளது.

ரஜினிகாந்தும், கமல்ஹாசனும் பல படங்களில் ஒன்றாக நடித்துள்ளனர். தற்போது மீண்டும் அந்த வழக்கம் தென்னிந்திய திரையுலகில் பரவி வருகிறது. இதற்கு விஜய் சேதுபதி வழி ஏற்படுத்தி கொடுத்துள்ளார். விக்ரம் வேதா படத்தில் மாதவனுடனும், ரஜினியின் பேட்ட, விஜய்யுடன் மாஸ்டர் படங்களிலும் நடித்துள்ளார். இரும்புத்திரை படத்தில் விஷால், அர்ஜுன் நடித்தனர்.

மோகன்லால் நடித்து தமிழ், மலையாளத்தில் திரைக்கு வர உள்ள அரபிக்கடலண்டே சிம்ஹம் படத்தில் அர்ஜுன், பிரபு, சுனில் ஷெட்டி நடித்துள்ளனர். இந்த நிலையில் விஜய்யையும் பிரபல தெலுங்கு கதாநாயகன் ஜூனியர் என்.டி.ஆரையும் புதிய படமொன்றில் நடிக்க வைக்க முயற்சிகள் நடப்பதாக தெலுங்கு இணைய தளங்களில் தகவல் பரவி வருகிறது. தமிழ், தெலுங்கு, இந்தி மொழிகளில் படத்தை எடுக்க திட்டமிட்டு உள்ளதாகவும் கூறப்படுகிறது.

இந்த படத்தை இயக்க அட்லி பெயர் அடிபடுகிறது. ஆனாலும் இது உறுதிப்படுத்தப்படவில்லை. விஜய் தற்போது நெல்சன் இயக்கும் படத்தில் நடித்து வருகிறார். ஜூனியர் என்.டி.ஆர் அதிக பட்ஜெட்டில் தயாராகும் ஆர்.ஆர்.ஆர். படத்தில் நடிக்கிறார்.

Next Story