பிரபல தெலுங்கு நடிகர் அல்லு அர்ஜூனுக்கு கொரோனா


பிரபல தெலுங்கு நடிகர் அல்லு அர்ஜூனுக்கு கொரோனா
x
தினத்தந்தி 29 April 2021 5:54 AM GMT (Updated: 29 April 2021 5:54 AM GMT)

கொரோனா 2-வது அலை நாடு முழுவதும் வேகமாக பரவி வருகிறது. நடிகர், நடிகைககள் பலர் இந்த வைரஸ் தொற்றில் சிக்கி வருகிறார்கள்.

கொரோனா 2-வது அலை நாடு முழுவதும் வேகமாக பரவி வருகிறது. நடிகர், நடிகைககள் பலர் இந்த வைரஸ் தொற்றில் சிக்கி வருகிறார்கள். நடிகர்கள் அமீர்கான், அக்‌ஷய்குமார், மாதவன், செந்தில், டோவினோ தாமஸ், நடிகைகள் பூஜா ஹெக்டே, நந்திதா, அலியாபட், கத்ரினா கைப், நிவேதா தாமஸ், டைரக்டர் விஜயேந்திர பிரசாத் உள்ளிட்ட பலருக்கு கொரோனா தொற்று ஏற்பட்டது.

இவர்களில் சிலர் சிகிச்சைக்கு பின் குணமாகி மீண்டுள்ளனர். இந்த நிலையில் தெலுங்கு திரையுலகில் முன்னணி நடிகராக விளங்கும் அல்லு அர்ஜூனுக்கு தற்போது கொரோனா தொற்று ஏற்பட்டு உள்ளது. இதுகுறித்து சமூக வலைத்தள பக்கத்தில் அவர் வெளியிட்டுள்ள பதிவில், ‘எனக்கு கொரோனா தொற்று இருப்பது உறுதியாகி உள்ளது. இதனால் வீட்டில் தனிமைப்படுத்திக்கொண்டு இருக்கிறேன். கொரோனா வழிமுறைகளையும் பின்பற்றி வருகிறேன். என்னுடன் தொடர்பில் இருந்த அனைவரும் பரிசோதனை செய்து கொள்ளும்படி கேட்டுக்கொள்கிறேன்.

அனைவரும் வீட்டில் பாதுகாப்பாக இருங்கள். கொரோனா தடுப்பூசி போட்டுக்கொள்ளுங்கள். என்னை பற்றி ரசிகர்கள் கவலை கொள்ள வேண்டாம். நலமாகவே இருக்கிறேன்'' என்று கூறியுள்ளார்.

Next Story