<
அஜித் குமாரின் 61-வது படம்
வினோத் இயக்கத்தில் அஜித்குமார் நடிக்கும் 60-வது படமான வலிமை படப்பிடிப்பு இறுதிக் கட்டத்தில் உள்ளது.
வினோத் இயக்கத்தில் அஜித்குமார் நடிக்கும் 60-வது படமான வலிமை படப்பிடிப்பு இறுதிக் கட்டத்தில் உள்ளது. வெளிநாட்டில் படமாக்க வேண்டிய சில முக்கிய காட்சிகள் மட்டுமே பாக்கி உள்ளது. கொரோனா 2-வது அலை பரவலால் அந்த காட்சிகளை படமாக்குவதில் தாமதம் ஏற்பட்டு உள்ளது.
அஜித்தின் வலிமை முதல் தோற்ற போஸ்டர் அவரது 50-வது பிறந்த நாளான மே 1-ந்தேதி வெளியாகும் என்று ஏற்கனவே படக்குழுவினர் அறிவித்து இருந்தனர். ஆனால் கொரோனா தீவிரத்தினால் அதை தள்ளி வைத்து இருப்பதாக படத்தின் தயாரிப்பாளர் போனிகபூர் தெரிவித்து உள்ளார்.
இந்த நிலையில் அஜித்குமார் நடிக்கும் 61-வது படத்தையும் வினோத் இயக்குவதாகவும் போனிகபூர் தயாரிப்பதாகவும் தகவல்கள் பரவி வருகின்றன. 61-வது படத்துக்கான திரைக்கதையை வினோத் தயார் செய்து அஜித்குமாரிடம் சொன்னதாகவும், அவருக்கு கதை பிடித்து விட்டதால் நடிக்க சம்மதம் சொல்லி விட்டதாகவும் கூறப்படுகிறது.
வலிமை படத்தின் வெளிநாட்டு படப்பிடிப்பு தள்ளிப்போவதால் 61-வது படத்துக்கான படப்பிடிப்பை உடனடியாக தொடங்கலாமா என்று ஆலோசிப்பதாகவும் கூறப்படுகிறது. ஆனாலும் இந்த தகவலை படக்குழுவினர் தரப்பில் உறுதிப்படுத்தவில்லை.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
