ஓ.டி.டி. தளத்தில் விஜய் சேதுபதியின் மேலும் 2 படங்கள் ரிலீஸ்


ஓ.டி.டி. தளத்தில் விஜய் சேதுபதியின் மேலும் 2 படங்கள் ரிலீஸ்
x
தினத்தந்தி 6 May 2021 1:12 AM GMT (Updated: 2021-05-06T06:42:01+05:30)

கொரோனாவால் திரையரங்குகள் மூடப்பட்டு இருப்பதை தொடர்ந்து திரைக்கு வர தயாராக இருந்த படங்களை ஓ.டி.டி. தளத்தில் வெளியிட முயற்சிகள் நடக்கின்றன.

கொரோனாவால் திரையரங்குகள் மூடப்பட்டு இருப்பதை தொடர்ந்து திரைக்கு வர தயாராக இருந்த படங்களை ஓ.டி.டி. தளத்தில் வெளியிட முயற்சிகள் நடக்கின்றன. தனுசின் ஜெகமே தந்திரம் படம் அடுத்த மாதம் ஓ.டி.டி.யில் வெளியாகும் என்று அறிவித்து உள்ளனர்.

தற்போது விஜய் சேதுபதி மலையாளத்தில் நடித்துள்ள 19 (1) (ஏ) என்ற படத்தையும் ஓ.டி.டி.யில் வெளியிட பேச்சுவார்த்தைகள் நடக்கின்றன. இந்த படத்தின் படப்பிடிப்பு ஏற்கனவே முடிந்து கொரோனா பரவலால் ரிலீஸ் தள்ளி வைக்கப்பட்ட நிலையில் தற்போது ஓ.டி.டி.யில் வெளியிட முடிவு செய்துள்ளனர். இந்த படத்தில் நித்யா மேனன், இந்திரஜித் சுகுமாரன் ஆகியோரும் முக்கிய கதாபாத்திரங்களில் நடித்துள்ளனர்.

வி.எஸ்.இந்து இயக்கி உள்ளார். தமிழில் விஜய் சேதுபதி நடித்துள்ள துக்ளக் தர்பார் படத்தையும் ஓ.டி.டி.யில் வெளியிட பேச்சுவார்த்தைகள் நடந்து வருகிறது.

ஏற்கனவே விஜய் சேதுபதி நடித்த க.பெ.ரண சிங்கம் படம் ஓ.டி.டி.யில் வந்துள்ளது. நயன்தாரா நடித்துள்ள நெற்றிக்கண், திரிஷாவின் ராங்கி ஆகிய படங்களை ஓ.டி.டி.யில் வெளியிட பேச்சுவார்த்தைகள் நடக்கின்றன. சிவா நடித்துள்ள சுமோ படம் ஓ.டி.டி.யில் வெளியாவது உறுதியாகி உள்ளது.

Next Story