<
அமெரிக்கா செல்லும் ரஜினி?
ரஜினிகாந்த் நடிக்கும் அண்ணாத்த படப்பிடிப்பு ஐதராபாத்தில் விறுவிறுப்பாக நடந்து இறுதிக்கட்டத்தை எட்டி உள்ளது.
ரஜினிகாந்த் நடிக்கும் அண்ணாத்த படப்பிடிப்பு ஐதராபாத்தில் விறுவிறுப்பாக நடந்து இறுதிக்கட்டத்தை எட்டி உள்ளது. ரஜினிகாந்த் சில வாரங்களாக அங்கேயே தங்கி இருந்து படப்பிடிப்பில் பங்கேற்று வருகிறார்.
சமீபத்தில் நயன்தாராவும் படப்பிடிப்பில் இணைந்தார். இன்னும் ஒரு வாரத்தில் முழு படப்பிடிப்பும் முடிந்துவிடும் என்று எதிர்பார்க்கப்படுகிறது. அதன்பிறகு சென்னையில் டப்பிங், கிராபிக்ஸ் உள்ளிட்ட தொழில்நுட்ப பணிகள் நடக்க உள்ளது. படத்தை தீபாவளிக்கு திரைக்கு கொண்டு வருகிறார்கள்.
அண்ணாத்த படத்துக்கு டப்பிங் பேசிவிட்டு ரஜினிகாந்த் அடுத்த மாதம் (ஜூன்) அமெரிக்கா செல்ல இருப்பதாக கூறப்படுகிறது. ஏற்கனவே அமெரிக்கா சென்று உடல் பரிசோதனைகள் செய்து இருக்கிறார்.
எனவே மீண்டும் மருத்துவ பரிசோதனைகள் செய்து கொள்வதற்காக அமெரிக்கா செல்வதாக தெரிகிறது. நடிகர் தனுஷ், மனைவி ஐஸ்வர்யா மற்றும் குழந்தைகளுடன் அமெரிக்காவில் தங்கி ஹாலிவுட் படத்தில் நடித்து வருகிறார்.
ரஜினியும் சில நாட்கள் அவர்களுடன் தங்கி இருப்பார் என்று தெரிகிறது. ஆனாலும் கொரோனா 2-வது அலை காரணமாக அவரது பயணத் திட்டத்தில் மாற்றம் வரலாம் என்றும் கூறப்படுகிறது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
