கொரோனா தடுப்பூசி போட்ட கார்த்தி

ரஜினிகாந்த், நயன்தாரா உள்ளிட்ட முன்னணி நடிகர், நடிகைகள் கொரோனா தடுப்பூசி போட்டுக்கொண்டு உள்ளனர். தடுப்பூசி போடும் புகைப்படங்களை சமூக வலைத்தளத்தில் வெளியிட்டு நான் தடுப்பூசி போட்டுக்கொண்டேன்.

நீங்கள் போட்டீர்களா என்ற பதிவுகளை வெளியிட்டு விழிப்புணர்வும் ஏற்படுத்தி வருகிறார்கள். இரு தினங்களுக்கு முன்பு இசையமைப்பாளர் ஏ.ஆர்.ரகுமானும் தடுப்பூசி போட்டார்.

இந்த நிலையில் நடிகர் கார்த்தி தற்போது கொரோனா தடுப்பூசி போட்டுக்கொண்டார். தடுப்பூசி போடும் புகைப்படத்தை தனது டுவிட்டர் பக்கத்தில் பகிர்ந்துள்ளார். கார்த்தி நடித்த சுல்தான் படம் ஏப்ரல் மாதம் வெளியானது. தற்போது மித்ரன் இயக்கும் சர்தார், மணிரத்னம் இயக்கும் பொன்னியின் செல்வன் ஆகிய 2 படங்களில் நடித்து வருகிறார். இவற்றின் படப்பிடிப்பு கொரோனாவால் நிறுத்தி வைக்கப்பட்டு உள்ளது.