<
66-வது படத்தில் விஜய் சம்பளம் ரூ.100 கோடி?
66-வது படத்தில் விஜய் சம்பளம் ரூ.100 கோடியாக உயர்ந்திருப்பதாக பேசப்படுகிறது.
விஜய் இப்போது நெல்சன் டைரக்டு செய்யும் புதிய படத்தில் நடித்து வருகிறார். படத்துக்கு `பீஸ்ட்' என்று பெயர் சூட்டப்பட்டுள் ளது. இது அவர் நடிக்கும் 65-வது படம். கொரோனா மற்றும் ஊரடங்கு காரணமாக நிறுத்தி வைக்கப்பட்ட படங்களில், இதுவும் ஒன்று.
இந்த படத்தை தீபாவளி விருந்தாக திரைக்கு கொண்டுவர திட்டமிட்டு இருந்தார்கள்.
கொரோனா ஊரடங்கினால் திட்டமிட்டபடி படத்தை தீபாவளிக்கு கொண்டுவர முடியுமா? என்ற சந்தேகம் எழுந்துள்ளது.
இந்த நிலையில், விஜய்யின் 66-வது படம் பற்றிய ஒரு தகவல் கோடம்பாக்கம் முழுவதும் பரவியிருக்கிறது. அந்த படத்தை பிரபல தெலுங்கு பட அதிபர் தில் ராஜு தயாரிப்பார் என்றும், தெலுங்கு டைரக்டர் வம்சி இயக்கத்தில் விஜய் நடிப்பார் என்றும் பேசப்பட்டன.
இதற்கிடையில், விஜய்யின் 66-வது படத்தை பிரபல பட நிறுவனமான சத்யஜோதி பிலிம்ஸ் தயாரிக்க இருக்கிறது என்றும், இதற்கான முதல்கட்ட பேச்சுவார்த்தை நடைபெற்றுள்ளது என்றும் இன்னொரு தகவல் பரவியிருக்கிறது.
விஜய் ‘கால்ஷீட்’ யாருக்கு? என்பது இன்னும் ஒரு வாரத்தில் தெரிந்துவிடும். இந்த படத்தில் இருந்து விஜய் சம்பளம் ரூ.100 கோடியாக உயர்ந்திருப்பதாக பேசப்படுகிறது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
