“மருத்துவ பரிசோதனை நல்லபடியாக நடந்தது'': ரஜினிகாந்த் தகவல்

சமீபத்தில் அண்ணாத்த படப்பிடிப்பை முடித்த நிலையில் கடந்த 19-ந்தேதி மீண்டும் அமெரிக்கா சென்று அங்குள்ள ஆஸ்பத்திரியில் மருத்துவ பரிசோதனைகள் செய்து கொண்டார். மருத்துவ குழுவினர் ரஜினிக்கு பல்வேறு உடல் பரிசோதனைகள் செய்தனர். பரிசோதனை அறிக்கை ரஜினிகாந்திடம் வழங்கப்பட்டது. இந்த நிலையில் அமெரிக்க ஆஸ்பத்திரியில் மருத்துவ பரிசோதனை நல்லபடியாக நடந்ததாக ரஜினிகாந்த் தெரிவித்துள்ளார். இதுகுறித்து கவிஞர் வைரமுத்து டுவிட்டரில் வெளியிட்டுள்ள பதிவில், ''அமெரிக்காவில் இருந்து ரஜினி அழைத்தார். மருத்துவ சோதனை நல்ல வண்ணம் நடந்தது என்றார். மகிழ்ந்தேன். அவர் குரலில் ஆரோக்கியம். நம்பிக்கை இரண்டும் இழையோட கண்டேன். அவரன்பர்களின் மகிழ்ச்சிக்காகவே இதை பதிவிட்டு பகிர்கிறேன்'' என்று கூறியுள்ளார். நடிகர் தனுஷ் தி கிரே மேன் ஹாலிவுட் படத்தில் நடிக்க அமெரிக்காவில் குடும்பத்தினருடன் முகாமிட்டு உள்ளார். அவருடன் ரஜினிகாந்த் தங்கி இருக்கிறார். 2 வாரங்களுக்கு பிறகு அமெரிக்காவில் இருந்து ரஜினிகாந்த் சென்னை திரும்புகிறார்.