சினிமா செய்திகள்

“மருத்துவ பரிசோதனை நல்லபடியாக நடந்தது'': ரஜினிகாந்த் தகவல் + "||" + "Medical examination went well": Rajinikanth informed

“மருத்துவ பரிசோதனை நல்லபடியாக நடந்தது'': ரஜினிகாந்த் தகவல்

“மருத்துவ பரிசோதனை நல்லபடியாக நடந்தது'': ரஜினிகாந்த் தகவல்
நடிகர் ரஜினிகாந்த் ஏற்கனவே சிறுநீரக பாதிப்புக்கான சிகிச்சை செய்து கொண்டதால் அடிக்கடி அமெரிக்கா சென்று மருத்துவ பரிசோதனை செய்து வந்தார்.
சமீபத்தில் அண்ணாத்த படப்பிடிப்பை முடித்த நிலையில் கடந்த 19-ந்தேதி மீண்டும் அமெரிக்கா சென்று அங்குள்ள ஆஸ்பத்திரியில் மருத்துவ பரிசோதனைகள் செய்து கொண்டார். மருத்துவ குழுவினர் ரஜினிக்கு பல்வேறு உடல் பரிசோதனைகள் செய்தனர். பரிசோதனை அறிக்கை ரஜினிகாந்திடம் வழங்கப்பட்டது. இந்த நிலையில் அமெரிக்க ஆஸ்பத்திரியில் மருத்துவ பரிசோதனை நல்லபடியாக நடந்ததாக ரஜினிகாந்த் தெரிவித்துள்ளார். இதுகுறித்து கவிஞர் வைரமுத்து டுவிட்டரில் வெளியிட்டுள்ள பதிவில், ''அமெரிக்காவில் இருந்து ரஜினி அழைத்தார். மருத்துவ சோதனை நல்ல வண்ணம் நடந்தது என்றார். மகிழ்ந்தேன். அவர் குரலில் ஆரோக்கியம். நம்பிக்கை இரண்டும் இழையோட கண்டேன். அவரன்பர்களின் மகிழ்ச்சிக்காகவே இதை பதிவிட்டு பகிர்கிறேன்'' என்று கூறியுள்ளார். நடிகர் தனுஷ் தி கிரே மேன் ஹாலிவுட் படத்தில் நடிக்க அமெரிக்காவில் குடும்பத்தினருடன் முகாமிட்டு உள்ளார். அவருடன் ரஜினிகாந்த் தங்கி இருக்கிறார். 2 வாரங்களுக்கு பிறகு அமெரிக்காவில் இருந்து ரஜினிகாந்த் சென்னை திரும்புகிறார்.

தொடர்புடைய செய்திகள்

1. மாநாடு படக்குழுவுக்கு இன்ப அதிர்ச்சியளித்த ரஜினிகாந்த்
வெங்கட் பிரபு இயக்கத்தில் சிம்பு நடிப்பில் தற்போது வெளியாகி இருக்கும் மாநாடு படக்குழுவுக்கு ரஜினிகாந்த் இன்ப அதிர்ச்சி கொடுத்து இருக்கிறார்.
2. ரஜினிகாந்த் பாராட்டு மிகப்பெரிய விருது கிடைத்தது போல் உள்ளது - எஸ்.ஜே.சூர்யா
நடிகர் ரஜினிகாந்தின் பாராட்டு தனக்கு மிகப்பெரிய கிடைத்தது போல் உள்ளது என எஸ்.ஜே.சூர்யா தெரிவித்துள்ளார்.
3. இரண்டு ஓடிடி தளங்களில் வெளியான ‘அண்ணாத்த’..!
நடிகர் ரஜினிகாந்த் அண்ணாத்த திரைப்படம் இரண்டு ஓடிடி தளங்களில் வெளியானது.
4. புதிய படத்தில் நடிக்க தயாராகும் ரஜினிகாந்த்
சமீபத்தில் உடல் நலக்குறைவு காரணமாக சிகிச்சை பெற்று வீடு திரும்பிய நடிகர் ரஜினிகாந்த், புதிய படத்தில் நடிக்க தயாராகி வருவதாக தகவல்கள் வெளியாகியுள்ளது.
5. கமல்ஹாசனிடம் தொலைபேசியில் நலம் விசாரித்தார் நடிகர் ரஜினிகாந்த்
கொரோனா பாதித்த கமல்ஹாசன் சென்னையை அடுத்த போரூரில் உள்ள தனியார் ஆஸ்பத்திரியில் சிகிச்சைக்காக அனுமதிக்கப்பட்டார்.