நடிகை கங்கனா ரனாவத் தொகுத்து வழங்கும் டேட்டிங் நிகழ்ச்சி; ஓடிடியில் ஒளிபரப்பாகிறது

மும்பை

பிக் பாஸ் போன்ற விதவிதமான ரியாலிட்டி ஷோ நிகழ்ச்சிகள் தொலைக்காட்சியில் ஒளிபரப்பாகி வருன்றன.    கங்கனா ரனாவத்  ஒரு நிகழ்ச்சியை தொகுத்து வழங்க இருக்கிறார். நிகழ்ச்சியின் பெயர், டெம்டேஷன் ஐலேண்ட்.

முன் பின் அறிமுகமில்லாத ஆண், பெண்களை தனித்தீவில் தங்க வைப்பார்கள். ஆளுக்கொரு ஜோடியை பிடித்துக் கொள்ள வேண்டும். விதவிதமான டாஸ்க்குகள் அளிக்கப்படும். இதன் முக்கிய அம்சம், இந்த ஆணும், பெண்ணுக்கும் ஏற்கனவே நிஜத்தில் காதலர்/காதலியாக இருப்பார்கள். 

அமெரிக்காவின் பாக்ஸ் தொலைக்காட்சியில் ஒளிபரப்பான இந்த நிகழ்ச்சியை இந்தியாவில் தயாரிக்கிறார்கள். கங்கனா ரனாவத் இதனை தொகுத்து வழங்குகிறார். பிரபல ஓடிடி தளம் இதனை தயாரித்து, ஒளிபரப்புகிறது. 

தொலைக்காட்சி என்றால் இதில் இடம்பெறப்போகும் நெருக்கமான காட்சிகளுக்கு எதிர்ப்பு வரும். ஓடிடிக்கு சென்சார் தேவையில்லை. அதனால், ஓடிடியில் ஒளிபரப்புகிறார்கள். இந்த நிகழ்ச்சி அமெரிக்காவில் பிரபலமடைந்தாலும் இந்த நிகழ்ச்சி முதலில் ஒளிபரப்பானது நெதர்லாந்தில். அங்கு பிளைன்ட் பெயித் என்ற பெயரில் ஒளிபரப்பானது. அது ஹிட்டாக, அதனை அப்படியே அமெரிக்காவில் தயாரித்து ஒளிபரப்பினார்கள்.