சினிமா செய்திகள்

6 புதிய படங்களில் நயன்தாரா + "||" + Nayanthara in 6 new films

6 புதிய படங்களில் நயன்தாரா

6 புதிய படங்களில் நயன்தாரா
6 புதிய படங்களில் நடிக்க நயன்தாரா தயாராகி இருப்பதாக தகவல் வெளியாகி உள்ளது.
நயன்தாரா தற்போது ரஜினியுடன் அண்ணாத்த, விஜய்சேதுபதி ஜோடியாக காத்துவாக்குல ரெண்டு காதல் மற்றும் நெற்றிக்கண் ஆகிய படங்களில் நடித்து வருகிறார். நெற்றிக்கண் படத்தில் பார்வையற்றவராக வருகிறார். இதன் படப்பிடிப்பு முடிந்து ஓ.டி.டி.யில் வெளியிட பேசி வருகிறார்கள். அண்ணாத்த படத்தில் வழக்கறிஞர் வேடம் ஏற்றுள்ளார். 

இந்த நிலையில் மேலும் 6 புதிய படங்களில் நடிக்க நயன்தாரா தயாராகி இருப்பதாக தகவல் வெளியாகி உள்ளது. அதில் ஒரு படத்தை வெங்கட் பிரபுவிடம் உதவி இயக்குனராக இருந்த விக்னேஷ் இயக்குவதாகவும், இன்னொரு படத்தை எலி பட இயக்குனர் யுவராஜ் டைரக்டு செய்ய இருப்பதாகவும் கூறப்படுகிறது. 

கதாநாயகிக்கு முக்கியத்துவம் உள்ள மேலும் 2 புதிய படங்களில் நடிக்க நயன்தாரவை ஒப்பந்தம் செய்து உள்ளதாகவும், இதுபற்றிய அறிவிப்பு விரைவில் வெளியாகும் என்றும் கூறப்படுகிறது. இதுபோல் 2 தெலுங்கு படங்களில் நடிக்கவும் கதை கேட்டு இருக்கிறார். இதனால் அடுத்த 2 வருடங்களுக்கு வேறு புதிய படங்களில் நடிக்க அவரிடம் கால்ஷீட் இல்லை என்று கூறப்படுகிறது.