சமூக சேவைக்கு மாறிய பூஜா ஹெக்டே


சமூக சேவைக்கு மாறிய பூஜா ஹெக்டே
x
தினத்தந்தி 26 July 2021 1:17 AM GMT (Updated: 26 July 2021 1:17 AM GMT)

தமிழில் முகமூடி படத்தில் ஜீவா ஜோடியாக அறிமுகமான பூஜா ஹெக்டே தற்போது விஜய் ஜோடியாக பீஸ்ட் படத்தில் நடித்து வருகிறார். தெலுங்கு, இந்தியிலும் அதிக படங்களில் நடித்துள்ளார்.

பூஜா ஹெக்டே அளித்த பேட்டி வருமாறு:-

“சமூக சேவை செய்வதில் எனக்கு ஆர்வம் உள்ளது. இந்த சமூகம் எனக்கு எவ்வளவோ கொடுத்து இருக்கிறது. எனது வாழ்க்கையில் நல்ல மாற்றத்தையும் ஏற்படுத்தி உள்ளது. அதற்கு நான் திருப்பி கொடுக்க வேண்டும். அதனால்தான் புதிதாக தொண்டு நிறுவனம் தொடங்கி இருக்கிறேன். சிறிய அளவிலோ அல்லது பெரிதாகவோ சமூகத்துக்கு என்னால் முடிந்த உதவிகளை தொண்டு நிறுவனம் மூலம் செய்ய முடிவு செய்ய இருக்கிறேன். அன்பு என்பது சக்தி வாய்ந்த உணர்ச்சி. அந்த அன்பினாலேயே இந்த சமூகத்துக்கு எல்லாவற்றையும் செய்ய முடியும் என்று நம்புகிறேன். அன்பால் செய்யும் 
எந்த சேவையாக இருந்தாலும் உலகத்தில் நல்ல மாற்றத்தை கொண்டுவர காரணமாக அமையும். பொருளாதாரத்தில் பின் தங்கி இருக்கிறவர்களுக்கு, கஷ்டப்படுபவர்களுக்கு மருத்துவ உதவிகளையும் எனது தொண்டு நிறுவனம் செய்யும்.’'

இவ்வாறு பூஜா ஹெக்டே கூறினார்.

Next Story