விஜய் சேதுபதி படம் 2-ம் பாகம்
விஜய்சேதுபதி, நந்திதா ஜோடியாக நடித்து 2012-ல் வெளியான இதற்குத்தானே ஆசைப்பட்டாய் பாலகுமாரா படம் பெரிய வெற்றி பெற்றது. முழு நீள நகைச்சுவை படமாக தயாராகி இருந்தது.
கோகுல் இயக்கினார். இந்த படத்தின் இரண்டாம் பாகம் தயாராக உள்ளது. இதில் கதாநாயகனாக சந்தானம் நடிப்பதாக தகவல் கசிந்தது. இதுவும் நகைச்சுவை படம் என்பதால் சந்தானம் பொருத்தமாக இருப்பார் என்று அவரை தேர்வு செய்தனர். ஆனால் தற்போது சந்தானத்துக்கு பதிலாக சிம்புவை பரிசீலிப்பதாக தகவல் வெளியாகி உள்ளது. இதற்குத்தானே ஆசைப்பட்டாய் பாலகுமாரா 2-ம் பாகத்தில் விஜய்சேதுபதி கவுரவ தோற்றத்தில் நடிப்பார் என்று எதிர்பார்க்கப்படுகிறது.
கொரோனா ஊரடங்கில் சிக்கிக் கொண்ட ஒரு இளைஞனை பற்றிய கதையம்சம் உள்ள படமாக தயாராகிறது. நடிகர் நடிகைகள் தேர்வு விறுவிறுப்பாக நடக்கிறது. படப்பிடிப்பை விரைவில் தொடங்க உள்ளனர்.
Related Tags :
Next Story