தனுசின் 44-வது படம்

‘தி கிரே மேன்’ ஹாலிவுட் படத்திலும் நடித்து முடித்துள்ளார். தற்போது கார்த்திக் நரேன் இயக்கும் படத்தில் நடித்து வருகிறார். ஐதராபாத்தில் படப்பிடிப்பு நடந்து வருகிறது. இது தனுசுக்கு 43-வது படம். இந்த படத்துக்கு மாறன் என்று தலைப்பு வைத்துள்ளனர். அடுத்து 44-வது படமாக மித்ரன் ஜவஹர் இயக்கும் படத்தில் நடிக்க உள்ளார். ஏற்கனவே இவர்கள் கூட்டணியில் குட்டி, யாரடி நீ மோகினி, உத்தம புத்திரன் ஆகிய படங்கள் வந்துள்ளன. மீண்டும் புதிய படத்தில் இணைகிறார்கள். இந்த படத்தில் 3 கதாநாயகிகள் நடிக்க உள்ளனர். இதில் ராஷிகன்னா, பிரியா பவானி சங்கர் ஆகியோர் ஒப்பந்தம் செய்யப்பட்டு உள்ளனர். இன்னொரு நாயகி தேர்வு நடக்கிறது. தெலுங்கு இயக்குனர் செகர் கம்முலா டைரக்டு செய்யும் படம் ஒன்றிலும் தனுஷ் நடிக்க உள்ளார். இந்த படம் 3 மொழிகளில் தயாராக உள்ளது. செல்வராகவன் இயக்கும் படத்திலும் நடிக்க இருக்கிறார்.