தொழில் அதிபரான கீர்த்தி சுரேஷ்

நடிகைகள் சினிமாவில் சம்பாதிப்பதோடு ரியல் எஸ்டேட், நகை வியாபாரம், ஓட்டல் தொழில், உணவகம், உடற்பயிற்சி கூடங்கள் அமைத்தல், ஜவுளி கடைகள் என்றெல்லாம் தொழில் செய்கிறார்கள். இந்த நிலையில் நடிகை கீர்த்தி சுரேசும் தொழில் அதிபராக மாறி இருக்கிறார். சில தினங்களுக்கு முன்பு ஒரு நல்ல தகவல் சொல்லப் போவதாக அறிவித்து இருந்தார். ரசிகர்கள் ஆர்வத்தோடு எதிர்பார்த்து காத்திருந்த நிலையில் அழகு சாதன பொருட்களை விற்பனை செய்யும் தொழில் தொடங்கி இருப்பதாக தற்போது அறிவித்து உள்ளார். ரஜினியின் அண்ணாத்த படத்தில் கீர்த்தி சுரேஷ் நடித்து முடித்துள்ளார். செல்வராகவனுடன் நடித்த சாணிகாகிதம் படம் திரைக்கு வர தயாராக உள்ளது. அஜித்தின் வேதாளம் தெலுங்கு ரீமேக்கில் சிரஞ்சீவியின் தங்கையாக நடிக்கிறார்.