நடிகை மகிமாவுக்கு சர்வதேச விருது

ஆர்யா நடித்து 2019-ல் வெளியான படம் மகாமுனி. இதில் மகிமா நம்பியார் முக்கிய கதாபாத்திரத்தில் நடித்து இருந்தார். அவரது நடிப்புக்கு பாராட்டுகள் கிடைத்தன. மகாமுனி படம் ஸ்பெயினில் நடந்த மேட்ரிக் சர்வதேச திரைப்பட விழாவில் 5 விருதுகளுக்கு பரிந்துரை செய்யப்பட்டது.

இந்த நிலையில் மேட்ரிக் பட விழாவில் மகிமா நம்பியாருக்கு சிறந்த துணை நடிகைக்கான விருது அறிவிக்கப்பட்டு உள்ளது. இதுகுறித்து மகிமா டுவிட்டரில் வெளியிட்டுள்ள பதிவில், “மகாமுனி படத்தில் நடித்ததற்காக மேட்ரிக் சர்வதேச திரைப்பட விழாவில் சிறந்த துணை நடிகைக்கான விருது கிடைத்து இருப்பது மிகவும் மகிழ்ச்சியாக உள்ளது. சந்தோஷத்தில் வார்த்தையே வரவில்லை. படத்தின் இயக்குனர் சாந்தகுமாருக்கு நன்றி'' என்று கூறியுள்ளார்.

ஜி.வி.பிரகாஷ் ஜோடியாக மகிமா நம்பியார் நடித்துள்ள ஐங்கரன் படம் திரைக்கு வர தயாராக உள்ளது. சூர்யா தயாரிப்பில் அருண் விஜய்யுடன் ‘ஓ மை டாக்’ மற்றும் கிருஷ்ணாவுடன் ‘பெல்பாட்டம்’ படங்களில் நடித்து முடித்துள்ளார்.

தற்போது பா.விஜய் இயக்கத்தில் பிரபுதேவாவுடன் நடித்து வருகிறார். இரண்டு மலையாள படங்களிலும் நடிக்கிறார்.