சினிமா செய்திகள்

தாஜ்மகாலில் அஜித் குமார் + "||" + Ajit Kumar at the Taj Mahal

தாஜ்மகாலில் அஜித் குமார்

தாஜ்மகாலில் அஜித் குமார்
நடிகர் அஜித்குமார் ஓய்வு கிடைக்கும்போது பைக்கில் பயணம் செய்வதை வழக்கமாக வைத்துள்ளார். சில மாதங்களுக்கு முன்பு சிக்கிம் வரை பல ஆயிரம் கிலோ மீட்டர் பைக்கில் சென்று வந்தார்.
சமீபத்தில் வலிமை படத்தின் இறுதிக்கட்ட படப்பிடிப்புக்காக ரஷியா சென்றபோது அங்கும் பைக்கில் பயணம் செய்து சுற்றுலா தலங்கள் மற்றும் வரலாற்று முக்கியத்துவம் வாய்ந்த இடங்களை சுற்றிப் பார்த்தார். இந்த நிலையில் அஜித்குமார் தற்போது தாஜ்மகாலுக்கு சென்று சுற்றிப் பார்த்துள்ளார். தாஜ்மகால் முன்பு உள்ள இருக்கையில் அமர்ந்து புகைப்படமும் எடுத்தார். தாஜ்மகாலில் அஜித்குமாரை பார்த்த பலரும் அவருடன் செல்பி எடுத்துக்கொள்ள சூழ்ந்தனர். இந்த புகைப்படங்கள் சமூக வலைத்தளத்தில் வைரலாகிறது.

அஜித்தின் வலிமை படம் வருகிற தீபாவளி பண்டிகையில் திரைக்கு வர வாய்ப்பு உள்ளதாக ஏற்கனவே தகவல் வெளியானது. தற்போது தீபாவளிக்கு ரஜினியின் அண்ணாத்த படமும் வெளியாவதால் போட்டியை தவிர்க்க டிசம்பர் மாதம் கிறிஸ்துமஸ் பண்டிகையில் ரிலீஸ் செய்ய படக்குழுவினர் ஆலோசிக்கின்றனர். வலிமை படத்துக்கு பிறகு மீண்டும் வினோத் இயக்கத்தில் புதிய படத்தில் அஜித் நடிப்பார் என்றும் இதற்கான அறிவிப்பு விரைவில் வெளியாகும் என்றும் எதிர்பார்க்கப்படுகிறது.

தொடர்புடைய செய்திகள்

1. அஜித்தின் அசத்தல் வசனங்கள்.... மிரள வைக்கும் பைக் சேஸிங் - வைரலாகும் ‘வலிமை’ கிளிம்ப்ஸ்
எச்.வினோத் இயக்கத்தில் அஜித் நடித்துள்ள ‘வலிமை’ படம் அடுத்தாண்டு பொங்கல் பண்டிகைக்கு திரையரங்குகளில் வெளியாகும் என அறிவிக்கப்பட்டுள்ளது.
2. மோட்டார் சைக்கிள் மூலம் உலகம் முழுவதும் சுற்றுப்பயணம் செல்ல நடிகர் அஜித் திட்டம்...?
நடிகர் அஜித் சில மாதங்களுக்கு முன், சிக்கிம் வரை, சுமார் பத்தாயிரம் கிலோ மீட்டர் அஜித் பைக்கில் சென்றுவந்தார்.
3. அஜித்தின் வலிமை தீபாவளிக்கு ரிலீஸ்?
அஜித்குமார் நடிக்கும் வலிமை படப்பிடிப்பு இறுதிக் கட்டத்தில் உள்ளது.
4. அஜித்தின் வலிமை பட வியாபாரம் முடிந்தது
அஜித்குமார் நடித்துள்ள வலிமை படத்தின் முதல் தோற்றம் இன்னும் வெளியாகவில்லை. இந்த நிலையில் படத்தின் வியாபாரம் முடிந்து விட்டதாக சமூக வலைத்தளத்தில் தகவல் பரவி வருகிறது.
5. அஜித்குமார் நடிக்கும் வலிமை படத்துக்கு விலைபேசும் ஓ.டி.டி. தளங்கள்
கொரோனா சினிமா தொழிலை புரட்டி போட்டுள்ளது. தியேட்டர்களை மூடி உள்ளதால் திரைக்கு வர தயாராக இருந்த 50-க்கும் மேற்பட்ட படங்கள் முடங்கி உள்ளன.