டைரக்டர் செல்வராகவன் நடிக்கும் 'சாணிக் காயிதம்' ஓடிடியில் வெளியாகிறது..?


டைரக்டர் செல்வராகவன் நடிக்கும் சாணிக் காயிதம் ஓடிடியில் வெளியாகிறது..?
x
தினத்தந்தி 13 Nov 2021 7:21 PM GMT (Updated: 13 Nov 2021 7:21 PM GMT)

டைரக்டர் செல்வராகவன் நடிகராக அறிமுகமாகும் சாணிக் காயிதம் திரைப்படம் பிப்ரவரி மாதம் அமேசான் பிரைமில் வெளியாகிறது.

சென்னை,

தமிழ்த் திரையுலகின் முண்ணனி டைரக்டர்களில் ஒருவரான செல்வராகவன் நடிகராக அறிமுகமாகும் திரைப்படம் 'சாணிக் காயிதம்'. இந்த திரைப்படத்தில் கீர்த்தி சுரேஷ், செல்வராகவனுடன் இணைந்து நடிக்கிறார். படத்திற்காக செல்வராகவன் தன்னுடைய உடலை குறைத்துள்ளார்.

ஸ்கிரீன் சீன் என்டர்டெயின்மென்ட் தயாரிப்பில் அருண் மாதேஷ்வரன் இயக்கியிருக்கும் இந்த படம் அடுத்த ஆண்டு பிப்ரவரி மாதம் அமேசான் பிரைமில் வெளியாக இருப்பதாக கூறப்படுகிறது.

இது குறித்த அதிகாரப்பூர்வ அறிவிப்பை படத்தின் தயாரிப்பு நிறுனம் விரைவில் வெளியிடும் என எதிர்பார்க்கப்படுகிறது. சாணிக் காயிதம் திரைப்படம் ராமேஸ்வரத்தில் படமாக்கப்பட்டுள்ளது. 80 களின் காலக்கட்டத்தின் பிண்ணனியில் நடக்கும் கிரைம் திரில்லராக இந்த படத்தின் கதை அமைக்கப்பட்டுள்ளது.

இந்த படத்திற்கு சாம் சிஎஸ் இசையமைத்துள்ளார், மேலும், சில்லுக்கருப்பட்டி புகழ் யாமினி யக்ஞமூர்த்தி ஒளிப்பதிவு செய்துள்ளார்.

Next Story