சந்தானம் நடிக்கும் 'ஏஜெண்ட் கண்ணாயிரம்' படத்தின் டீசர் வெளியானது


சந்தானம் நடிக்கும் ஏஜெண்ட் கண்ணாயிரம் படத்தின் டீசர் வெளியானது
x
தினத்தந்தி 21 Jan 2022 11:11 AM GMT (Updated: 21 Jan 2022 11:11 AM GMT)

நடிகர் சந்தானம் நடிக்கும் 'ஏஜெண்ட் கண்ணாயிரம்' திரைப்படத்தின் டீசர் வெளியாகி உள்ளது.

சென்னை, 
 
நவீன் பாலிஷெட்டி மற்றும் ஸ்ருதி ஷர்மா நடிப்பில் கடந்த 2019-ம் ஆண்டு தெலுங்கில் வெளியான ‘ஏஜெண்ட் சாய் ஸ்ரீனிவாச ஆத்ரேயா’ என்ற திரைப்படம் தமிழில் 'ஏஜெண்ட் கண்ணாயிரம்' என்ற தலைப்பில் ரீமேக் செய்யப்படுகிறது. இந்த திரைப்படத்தில் நடிகர் சந்தானம் கதாநாயகனாக நடிக்கிறார். 'வஞ்சகர் உலகம்' திரைப்படத்தை இயக்கிய மனோஜ் பீதா இந்த திரைப்படத்தை இயக்கி வருகிறார்.

இந்த நிலையில் நடிகர் சந்தானத்தின் பிறந்தநாளை முன்னிட்டு 'ஏஜெண்ட் கண்ணாயிரம்' திரைப்படத்தின் டீசர் இன்று வெளியாகி உள்ளது. இந்த படத்தின் டீசரை நடிகர்கள் ஆர்யா மற்றும் ஜீவா தங்களுடைய சமூக வலைதள பக்கங்களில் வெளியிட்டனர். 

இந்த படத்தில் நடிகை ரியா சுமன், ஸ்ருதி ஹரிஹரன், புகழ், முனிஷ்காந்த், ரெடின் கிங்ஸ்லி, ராம்தாஸ், இந்துமதி, மதன் தட்சிணாமூர்த்தி, ஆதிரா உள்ளிட்ட பலர் நடித்துள்ளனர். இந்த படத்திற்கு இசையமைப்பாளர் யுவன்சங்கர் ராஜா இசையமைத்துள்ளார். 

Next Story