அமெரிக்கா, இங்கிலாந்தில் 'துணிவு' திரைப்படம் வெளியாகும் தேதி அறிவிப்பு...!

சென்னை,

எச்.வினோத் இயக்கத்தில் அஜித் நடிப்பில் உருவாகி உள்ள திரைப்படம் 'துணிவு'. இதில் மஞ்சுவாரியர், சமுத்திரக்கனி, ஜி.எம்.சுந்தர், மகாநதி சங்கர், ஜான் கொக்கன் ஆகியோர் முக்கிய கதாப்பாத்திரங்களில் நடிக்கின்றனர். துணிவு திரைப்படத்தை போனி கபூர் தயாரித்துள்ளார்.

இப்படத்தின் தமிழ்நாடு வெளியீட்டு உரிமையை உதயநிதி ஸ்டாலினின் ரெட் ஜெயண்ட் மூவிஸ் நிறுவனம் பெற்றுள்ளது. இப்படம் 2023-ஆம் ஆண்டு பொங்கலுக்கு வெளியாகவுள்ளது.

இந்த நிலையில் அமெரிக்கா மற்றும் இங்கிலாந்தில் நடிகர் அஜித்தின் 'துணிவு' திரைப்படம் வெளியீட்டு தேதியை படக்குழு அறிவித்துள்ளது. அதன்படி 2023 ஜனவரி 11-ம் தேதி துணிவு வெளியாகிறது என்று தெரிவிக்கப்பட்டுள்ளது.